મહાકુંભ (Mahakumbh) થી ચર્ચામાં આવેલી ‘વાયરલ ગર્લ’ મોનાલિસા (Monalisa) અને ફરમાન ખાનના (Farman Khan) લગ્ન હવે વિવાદોમાં ઘેરાયા છે. એક તરફ નવપરિણીત જોડું દાવો કરી રહ્યું છે કે લગ્ન પિતાની સંમતિથી થયા છે, ત્યારે બીજી તરફ મોનાલિસાના પિતાએ આ દાવાને નકારી કાઢતા ચોંકાવનારા આરોપો લગાવ્યા છે. તેમણે સ્પષ્ટપણે કહ્યું છે કે તેમની દીકરીને લલચાવી-ફોસલાવીને ફસાવવામાં આવી છે અને આ આખો મામલો ‘લવ જિહાદ’ (Love Jihad) છે.
પિતાએ વ્યક્ત કરી વેદના: “હીરોઈન બનાવવાના નામે દગો થયો” મીડિયા (Media) સાથેની વાતચીતમાં પિતા ભાવુક થઈ ગયા હતા. તેમણે જણાવ્યું કે તેઓ પોતાની દીકરીને એક્ટિંગ (Acting) શીખવવાના સપના સાથે કેરળ (Kerala) ગયા હતા. પરંતુ ત્યાં તેમને અંધારામાં રાખીને, પોલીસ સ્ટેશનમાં બેસાડી રાખી તેમની ફ્લાઈટ (Flight) મિસ કરાવવામાં આવી હતી. તેમને એકલા જ મધ્યપ્રદેશ (Madhya Pradesh) મોકલી દેવાયા અને પાછળથી ગુપચુપ રીતે મોનાલિસાના લગ્ન કરાવી દેવામાં આવ્યા. પિતાનો આરોપ છે કે દીકરી ખૂબ જ ભોળી છે અને તેને કંઈક ખવડાવીને આ પગલું ભરવા મજબૂર કરવામાં આવી છે.
સામાજિક બદનામી અને સરકાર પાસે મદદની ગુહાર મોનાલિસાના પિતાએ જણાવ્યું કે તેઓ કેરળમાં ખૂબ રડ્યા અને દીકરી સાથે 2 મિનિટ વાત કરવા વિનંતી કરી, પરંતુ તેમની વાત કરાવવામાં આવી નહોતી. અત્યારે મહેશ્વરમાં (Maheshwar) તેમના ઘરે માતમ જેવો માહોલ છે અને સમાજના લોકોના ટોણાથી તેઓ શરમિંદગી અનુભવી રહ્યા છે. પિતાએ હવે સરકાર (Government) અને વહીવટી તંત્ર પાસે મદદ માંગી છે જેથી તેમની દીકરી સુરક્ષિત પાછી આવી શકે.
ફરમાન ખાને પ્રેસ કોન્ફરન્સમાં (Press Conference) પિતાની હાજરીનો દાવો કર્યો હતો, પરંતુ પિતાના આ ખુલાસાએ લગ્નની કાયદેસરતા અને પારદર્શિતા પર મોટા સવાલો ઉભા કર્યા છે.