LPG Cylinder
પશ્ચિમ એશિયા (West Asia) માં ચાલી રહેલા સંઘર્ષને કારણે ભારતમાં LPG સિલિન્ડરના પુરવઠામાં અવરોધ આવવાની આશંકા વચ્ચે કેન્દ્ર સરકાર એક્શનમાં આવી છે. મંગળવારે કેન્દ્રીય ગૃહ સચિવ ગોવિંદ મોહન દ્વારા તમામ રાજ્યોના મુખ્ય સચિવો અને DGPs સાથે એક મહત્વની બેઠક યોજવામાં આવી હતી. 2 કલાક ચાલેલી આ બેઠકમાં દેશભરમાં ગેસની ઉપલબ્ધતાની સમીક્ષા કરવામાં આવી હતી.
કાળાબજારી (Black Marketing) સામે કડક આદેશ: કેન્દ્ર સરકારે રાજ્યોને LPG બોટલિંગ પ્લાન્ટ્સ (Bottling Plants), ડિસ્ટ્રિબ્યુશન નેટવર્ક અને પરિવહન વાહનોની સુરક્ષા સઘન બનાવવાના આદેશ આપ્યા છે. ગેસના પુરવઠાનું રોજબરોજ મોનિટરિંગ (Monitoring) કરવા અને કાળાબજારી કરનારાઓ સામે કડક હાથે કામ લેવા જણાવાયું છે. સોશિયલ મીડિયા પર ફેક ન્યૂઝ (Fake News) દ્વારા ગભરાટ ફેલાવતા તત્વો વિરુદ્ધ કાર્યવાહી કરવા પણ સૂચના અપાઈ છે.
રિફાઇનરીઓને ઉત્પાદન વધારવા સૂચના: રિફાઇનરીઓને LPG ઉત્પાદન વધારવા અને ઘરગથ્થુ ગ્રાહકો (Domestic Consumers) ને પ્રાથમિકતા આપવા આદેશ અપાયા છે. હાલમાં હોટલ અને રેસ્ટોરન્ટ જેવા વ્યાપારી એકમો (Commercial Units) માટે વિતરણ પર અમુક નિયંત્રણો લાદવામાં આવ્યા છે, પરંતુ હોસ્પિટલો જેવી આવશ્યક સેવાઓને મુક્તિ અપાઈ છે. પરિસ્થિતિ પર નજર રાખવા માટે ગૃહ મંત્રાલયે સ્પેશિયલ કંટ્રોલ રૂમ (Control Room) પણ કાર્યરત કર્યો છે.