ગુજરાત ગેસ સંકટ: ઘરેલુ LPG સિલિન્ડર પર સરકારનો મોટો નિર્ણય

US-Israel-Iran war | વૈશ્વિક સ્તરે ઈઝરાયેલ (Israel), અમેરિકા (America) અને ઈરાન (Iran) વચ્ચે ચાલી રહેલા યુદ્ધ (War) ની સીધી અસર હવે ગુજરાતના ઊર્જા ક્ષેત્ર (Energy Sector) પર જોવા મળી રહી છે. આ આંતરરાષ્ટ્રીય સંકટ વચ્ચે રાજ્યમાં ગેસનો પુરવઠો (Gas Supply) જળવાઈ રહે તે માટે ગુજરાત સરકારે એક મહત્વપૂર્ણ નિર્ણય લીધો છે. ઊર્જા મંત્રી ઋષિકેશ પટેલે જણાવ્યું કે, સરકારની સર્વોચ્ચ પ્રાથમિકતા (Priority) સામાન્ય નાગરિકોના ઘરનો ચૂલો સળગતો રાખવાની છે.

ઉદ્યોગોના ગેસ પુરવઠામાં 50% કાપ (Cut) રાજ્યમાં ગેસની અછત ન સર્જાય તે માટે સરકારે ઔદ્યોગિક ગેસ (Industrial Gas) ના વપરાશમાં 50% નો મોટો કાપ મૂક્યો છે. આ ઉપરાંત, ફર્ટિલાઈઝર (Fertilizer) કંપનીઓ અને દૂધની ડેરીઓમાં વપરાતા ગેસમાં પણ 40% નો ઘટાડો કરવામાં આવ્યો છે. જોકે, કોમર્શિયલ સિલિન્ડર (Commercial Cylinder) ના પુરવઠામાં હાલ કોઈ કાપ મૂકવામાં આવ્યો નથી.

LPG સિલિન્ડર બુકિંગના નિયમોમાં ફેરફાર કેન્દ્ર સરકારના પેટ્રોલિયમ મંત્રાલયે (Ministry of Petroleum) કાળાબજાર અને સંગ્રહખોરી રોકવા માટે ઘરેલુ ગેસ સિલિન્ડર (LPG Cylinder) ના બુકિંગનો સમયગાળો 21 દિવસથી વધારીને 25 દિવસ કર્યો છે. સારી વાત એ છે કે સ્થાનિક ગ્રાહકો માટે ગેસના ભાવમાં વધારો થવાની શક્યતા નહિવત્ છે. ઉદ્યોગો માટેના LNG (Liquefied Natural Gas) ના જથ્થાને હવે ઘરેલું વપરાશ માટે ડાયવર્ટ (Divert) કરવામાં આવશે જેથી જનતાને રાહત મળે.