મિડલ ઈસ્ટ (Middle East) માં ચાલી રહેલા યુદ્ધ અને સંઘર્ષ વચ્ચે ભારત સરકારના પેટ્રોલિયમ મંત્રાલયે (Ministry of Petroleum) ઘરેલુ ગેસ સિલિન્ડર (LPG) ના બુકિંગના નિયમોમાં મહત્વનો ફેરફાર કર્યો છે.
હવે ગ્રાહકોએ બે સિલિન્ડર બુક કરવા વચ્ચે 25 દિવસનો તફાવત જાળવવો પડશે. અગાઉ આ સમયગાળો 21 દિવસનો હતો, જેને વધારીને હવે 25 દિવસ કરવામાં આવ્યો છે. આ નિર્ણય પાછળનો મુખ્ય હેતુ ગેસની કાળાબજાર (Black Marketing) અને સંગ્રહખોરી (Hoarding) રોકવાનો છે.
સરકારી સૂત્રોના જણાવ્યા અનુસાર, સ્થાનિક ગ્રાહકો માટે ગેસના ભાવમાં નજીકના ભવિષ્યમાં મોટો વધારો થવાની શક્યતા નહિવત્ છે. દેશમાં ગેસનો પુરવઠો (Gas Supply) જાળવી રાખવા માટે ઔદ્યોગિક વપરાશના LNG (Liquefied Natural Gas) ના જથ્થાને હવે ઘરેલું વપરાશ (Domestic Use) માટે ડાયવર્ટ (Divert) કરવામાં આવશે.
જોકે, તાજેતરમાં જ સબસિડી વગરના 14.2 kg ના LPG સિલિન્ડરના ભાવમાં 60 રૂપિયાનો વધારો થયો છે, જેના કારણે દિલ્હીમાં તેની કિંમત 913 રૂપિયા સુધી પહોંચી છે. જ્યારે કોમર્શિયલ સિલિન્ડર (Commercial Cylinder) ના ભાવમાં 114.5 રૂપિયાનો વધારો નોંધાયો છે.
