US-Israel-Iran war | મધ્ય-પૂર્વ (Middle East) માં ચાલી રહેલા ભીષણ સંઘર્ષ વચ્ચે અમેરિકન ન્યૂઝ એજન્સી બ્લૂમબર્ગ (Bloomberg) ના એક રિપોર્ટ પર મોટો વિવાદ છેડાયો છે. રિપોર્ટમાં દાવો કરવામાં આવ્યો હતો કે સંયુક્ત આરબ અમીરાત (UAE) અને કતાર (Qatar) પાસે એર ડિફેન્સ મિસાઇલોનો (Air Defense Missiles) સ્ટોક ખતમ થઈ રહ્યો છે. આ દેશોએ આ રિપોર્ટને ભ્રામક ગણાવીને ફગાવી દીધો છે અને કતારે તો કાયદેસરની કાર્યવાહી (Legal Action) કરવાની ધમકી પણ આપી છે.
ખરેખર, ઈરાન (Iran) ખાડી દેશોમાં આવેલા અમેરિકી સૈન્ય મથકો (Military Bases) પર સતત હુમલા કરી રહ્યું છે. બ્લૂમબર્ગના રિપોર્ટ મુજબ, ઈરાની હુમલાઓને રોકવા માટે વપરાતા ઇન્ટરસેપ્ટર મિસાઇલ્સ (Interceptor Missiles) હવે ખતરનાક રીતે ઓછા થઈ રહ્યા છે. રિપોર્ટમાં એવો પણ દાવો કરાયો હતો કે આ દેશો ડોનાલ્ડ ટ્રમ્પ (Donald Trump) પર ઈરાન વિરુદ્ધના ઓપરેશન મર્યાદિત કરવા દબાણ કરી રહ્યા છે.
જોકે, UAE ના વિદેશ મંત્રાલયે સ્પષ્ટતા કરી છે કે તેમની પાસે મલ્ટી-લેવલ ડિફેન્સ સિસ્ટમ (Multi-level Defense System) અને દારૂગોળાનો મોટો ભંડાર છે. કતારના મીડિયા કાર્યાલયે પણ જણાવ્યું કે તેમની પેટ્રિયટ મિસાઇલો (Patriot Missiles) પૂરતી માત્રામાં ઉપલબ્ધ છે. બંને દેશોએ ભારપૂર્વક કહ્યું છે કે તેમની રાષ્ટ્રીય સુરક્ષા (National Security) મજબૂત છે અને કોઈપણ બાહ્ય જોખમનો સામનો કરવા તેઓ સજ્જ છે.