AI Agents Jobs | દિલ્હીમાં યોજાયેલી ‘AI ઈમ્પેક્ટ સમિટ 2026’ (AI Impact Summit 2026) માં ટેક્નોલોજી ક્ષેત્રના દિગ્ગજોએ આર્ટિફિશિયલ ઈન્ટેલિજન્સના ભવિષ્ય પર મહત્વના મંતવ્યો રજૂ કર્યા છે. માઈક્રોસોફ્ટ ઈન્ડિયા (Microsoft India) અને સાઉથ એશિયાના પ્રેસિડેન્ટ પુનીત ચંડોકે વિશ્વાસ વ્યક્ત કર્યો છે કે, એઆઈ નોકરીઓ ખતમ કરવાના બદલે તેના સ્વરૂપમાં બદલાવ લાવશે અને નવી રોજગારીની તકો ઉભી કરશે.
એઆઈ નોકરીઓ ખતમ નહીં કરે, ક્ષમતા વધારશે
પુનીત ચંડોકે જણાવ્યું હતું કે, એઆઈના કારણે નોકરીઓમાં મોટાપાયે ઘટાડો થશે તેવા અહેવાલો પાયાવિહોણા છે. તેમણે સમજાવ્યું કે તમારી નોકરી એ વિવિધ કાર્યોનું એક બંડલ છે, અને એઆઈ આ કાર્યોને ‘અનબંડલ’ (Unbundle) કરશે. AI એજન્ટ્સ તમારા માત્ર ટૂલ્સ (Tools) નહીં, પણ ડિજિટલ સાથી (Digital Companions) બની જશે. તેમણે પ્રોફેશનલ્સને સલાહ આપી છે કે જોબ માર્કેટમાં ટકી રહેવા માટે સતત એઆઈ ટૂલ્સ શીખવા અને અપનાવવા જોઈએ.
ભારત AI સદીને લીડ કરવા તૈયાર
માઈક્રોસોફ્ટના પ્રેસિડેન્ટના મતે, ભારત આ ક્ષેત્રમાં વિશ્વનું નેતૃત્વ કરવા સજ્જ છે. ભારતમાં 92 ટકા નોલેજ વર્કર (Knowledge Workers) AIનો ઉપયોગ કરે છે. લગભગ 59 ટકા બિઝનેસ એઆઈ એજન્ટ અપનાવી રહ્યા છે. માઈક્રોસોફ્ટ આગામી વર્ષોમાં ભારતના ડેટા સેન્ટર (Data Center) ક્ષમતામાં 17.5 અબજ ડોલરનું રોકાણ કરવાની યોજના ધરાવે છે.
શિક્ષણમાં એઆઈ: ધર્મેન્દ્ર પ્રધાનનું વિઝન
કેન્દ્રીય શિક્ષણ મંત્રી ધર્મેન્દ્ર પ્રધાને આ સમિટમાં જણાવ્યું હતું કે, ‘વિકસિત ભારત 2047’ ના લક્ષ્યને પ્રાપ્ત કરવા માટે એઆઈ ચાવીરૂપ ભૂમિકા ભજવશે. તેમણે ભારપૂર્વક કહ્યું કે નવી પેઢીને એઆઈ-સજ્જ શિક્ષણ (AI-powered Education) આપવું એ સરકારની જવાબદારી છે. તેમણે યુવાનોને અપીલ કરી કે તેઓ એઆઈનો ઉપયોગ કરીને ભારતને વૈશ્વિક સ્તરે ટેક્નોલોજીકલ તાકાત તરીકે સ્થાપિત કરે.
ડિજિટલ ઈન્ટેલિજન્સનું નવું મોજું
આ AI એજન્ટ્સ વપરાશકર્તાની મંજૂરીથી સ્વાયત્ત રીતે કામ કરવાની ક્ષમતા ધરાવે છે. આ ટેક્નોલોજી ઈન્ટરનેટ, મોબાઈલ કે ક્લાઉડ કમ્પ્યુટિંગ (Cloud Computing) કરતા પણ વધુ પ્રભાવશાળી સાબિત થઈ રહી છે, કારણ કે તેમાં મોટાપાયે ઈન્ટેલિજન્સ મેન્યુફેક્ચર (Intelligence Manufacturing) કરવાની શક્તિ છે.
About The Author
