સોના-ચાંદીના ભાવમાં રાતોરાત મોટો કડાકો: ચાંદી ₹13,000 ગબડી, સોનામાં પણ ભારે ઘટાડો

Gold Silver Price Crash | કિંમતી ધાતુઓમાં રોકાણ કરનારાઓ માટે મંગળવારની રાત આંચકાજનક સાબિત થઈ છે. મલ્ટી કોમોડિટી એક્સચેન્જ (MCX) પર સોના અને ચાંદીના ભાવમાં અચાનક જોરદાર કડાકો (Crash) જોવા મળ્યો હતો. ચાંદીના ભાવમાં ₹13,000 થી વધુ અને સોનામાં આશરે ₹4,000 નો ઘટાડો નોંધાતા બજારમાં ખળભળાટ મચી ગયો છે.

MCX પર ભાવમાં ભારે પછડાટ : મંગળવારની રાત્રે કોમોડિટી માર્કેટમાં (Commodity Market) અચાનક આવેલી વેચવાલીને કારણે ચાંદીના ભાવમાં 5.58% નો મોટો ઘટાડો થયો છે. 5 માર્ચના વાયદા માટે ચાંદીની કિંમત ₹13,378 ઘટીને ₹2,26,513 પ્રતિ કિલો પર પહોંચી ગઈ છે. બીજી તરફ, 2 એપ્રિલના વાયદા માટે સોનાના ભાવમાં પણ 2.45% અથવા ₹3,796 નો ઘટાડો જોવા મળ્યો છે, જેનાથી સોનું ₹1,50,964 પ્રતિ 10 ગ્રામ ના સ્તર પર આવી ગયું છે.

રેકોર્ડ હાઈ સ્તરથી ભારે ધોવાણ: 29 જાન્યુઆરીએ સોના અને ચાંદી બંનેએ પોતાની સર્વોચ્ચ સપાટી (Record High) સ્પર્શી હતી, ત્યાંથી અત્યાર સુધીમાં ભાવમાં મોટું ધોવાણ થયું છે:

ઘટાડાનું મુખ્ય કારણ: આંતરરાષ્ટ્રીય બજારમાં (International Market) સોનાનો સ્પોટ ભાવ $4,920 – $4,950 પ્રતિ ઔંસ અને ચાંદીનો ભાવ $74 – $75 પ્રતિ ઔંસની આસપાસ ટ્રેડ થઈ રહ્યો છે. બજારના નિષ્ણાતોના મતે, આ ઘટાડા પાછળ મુખ્યત્વે નફાખોરી (Profit Booking) અને અમેરિકી ડોલરની (Dollar Index) મજબૂતી જવાબદાર છે.

ETF પર નકારાત્મક અસર: ભાવમાં આવેલા આ અચાનક ઘટાડાને કારણે શેરબજારમાં લિસ્ટેડ ગોલ્ડ અને સિલ્વર ETF (Exchange Traded Funds) ના ભાવ પણ પ્રભાવિત થયા છે. રેકોર્ડ હાઈ સ્તરથી સિલ્વર ETF 40% થી વધુ અને ગોલ્ડ ETF આશરે 18% જેટલા તૂટી ચૂક્યા છે, જેના કારણે ઊંચા ભાવે રોકાણ કરનારા અનેક રોકાણકારો ફસાયા હોવાની સ્થિતિ સર્જાઈ છે.