West Bengal SIR | પશ્ચિમ બંગાળ (West Bengal) માં હાલમાં હાથ ધરવામાં આવેલી સ્પેશિયલ ઇન્ટેન્સિવ રિવિઝન (Special Intensive Revision – SIR) ની પ્રક્રિયા દરમિયાન મતદાર યાદીમાં અત્યંત ચોંકાવનારી વિગતો બહાર આવી છે. આ તપાસમાં એવું જાણવા મળ્યું છે કે રાજ્યના અનેક જિલ્લાઓમાં મતદારોના માતા-પિતાના નામમાં ભારે ગરબડ છે.
એક પિતા અને સેંકડો સંતાનો!
વીરભૂમિ (Birbhum) જિલ્લાના નાનૂર વિધાનસભા વિસ્તારમાં એક એવો કિસ્સો સામે આવ્યો છે જેમાં એક જ વ્યક્તિને 389 મતદારોના પિતા તરીકે દર્શાવવામાં આવ્યા છે. આવી જ રીતે હાવડા (Howrah) જિલ્લાના સાંકરેલમાં પણ 310 મતદારોના પિતા એક જ હોવાનું રેકોર્ડ પર દેખાય છે.
રાજ્યમાં એવા અસંખ્ય કિસ્સાઓ છે જે તર્કની પરે છે:
મુર્શિદાબાદ (Murshidabad): 199 મતદારોના માતા-પિતાનું નામ એક સમાન (Common Parent).
દાર્જિલિંગ (Darjeeling): 152 મતદારો એક જ પિતાના સંતાન હોવાનું નોંધાયું છે.
આસનસોલ (Asansol): 170 મતદારોના ગાર્ડિયન (Guardian) તરીકે એક જ વ્યક્તિનું નામ છે.
જલપાઈગુડી (Jalpaiguri): નાગરકાટામાં 120 મતદારોના પેરેન્ટ્સ એક જ છે.
આંકડાકીય વિશ્લેષણ (Statistical Analysis)
ચૂંટણી પંચના ડેટા મુજબ, રાજ્યમાં 2.06 લાખથી વધુ એવા કિસ્સા છે જેમાં એક મતદારના 6 કે તેથી વધુ સંતાનો દર્શાવાયા છે. જ્યારે 8,682 કિસ્સાઓમાં આ સંખ્યા 10 થી પણ વધારે છે.