Rich Beggar Indore | મધ્યપ્રદેશના ઇન્દોરમાંથી (Indore) એક એવો કિસ્સો પ્રકાશમાં આવ્યો છે જેણે પ્રશાસન અને જનતા બંનેને ચોંકાવી દીધા છે. વર્ષોથી લાકડાની સ્લાઇડિંગ ગાડી પર બેસીને લાચાર બની ભીખ માંગતો એક દિવ્યાંગ ભિખારી વાસ્તવમાં લાખોની સંપત્તિનો માલિક નીકળ્યો છે. મહિલા અને બાળ વિકાસ વિભાગની રેસ્ક્યુ ટીમ (Rescue Team) દ્વારા કરવામાં આવેલી તપાસમાં ચોંકાવનારા ખુલાસા થયા છે.
કોણ છે આ ‘ધનકુબેર’ ભિખારી? (Who is Mangilal?)
આ ભિખારીનું નામ માંગીલાલ છે, જે ઇન્દોરના પ્રખ્યાત સરાફા બજારમાં એક જાણીતો ચહેરો હતો. જમીન પર ઘસડાઈને ચાલતા માંગીલાલની લાચારી જોઈ લોકો સામે ચાલીને તેને દાન (Donation) આપતા હતા. જોકે, તેની પાછળનું સત્ય કંઈક અલગ જ હતું.
તપાસમાં થયેલા ચોંકાવનારા ખુલાસા (Shocking Investigation)
રેસ્ક્યુ ટીમની પૂછપરછમાં જાણવા મળ્યું કે માંગીલાલ પાસે માત્ર રહેવા માટે ઘર જ નહીં, પરંતુ વાહનોનો કાફલો પણ છે:
સ્થાવર મિલકત: ભગત સિંહ નગરમાં 3 માળનું ભવ્ય મકાન, શિવનગરમાં 600 સ્ક્વેર ફૂટનું ઘર અને અલવાસ વિસ્તારમાં 1 BHK ફ્લેટ.
વાહનો: એક સ્વિફ્ટ ડિઝાયર કાર (Swift Dzire Car) અને ત્રણ રિક્ષા, જે તે ભાડે ચલાવીને વધારાની આવક મેળવે છે.
વ્યાજવટાવનો ધંધો: તે સરાફા બજારમાં માત્ર ભીખ માંગવા જ નહીં, પણ વેપારીઓને વ્યાજે (Interest) આપેલા નાણાંની ઉઘરાણી કરવા જતો હતો. તેની દૈનિક કમાણી ₹400 થી ₹500 સુધીની હતી.
નવાઈની વાત એ છે કે પ્રશાસને અગાઉ તેની દિવ્યાંગતા જોઈને રેડ ક્રોસ સોસાયટી (Red Cross Society) મારફતે 1 BHK મકાન ફાળવ્યું હતું. આમ છતાં, વધુ કમાણી કરવાની લાલચે તેણે ભિક્ષાવૃત્તિ (Begging) ચાલુ રાખી હતી.
જિલ્લા કાર્યક્રમ અધિકારી રજનીશ સિંહાએ જણાવ્યું કે, ભિક્ષાવૃત્તિ નાબૂદ કરવા માટેનું અભિયાન ચાલુ રહેશે. સંપત્તિ હોવા છતાં ખોટી લાચારી બતાવી ભીખ માંગવી એ ગુનો છે. આવા કિસ્સાઓથી ખરેખર જરૂરિયાતમંદ લોકો પ્રત્યેની સહાનુભૂતિ ઓછી થાય છે.
