Gujarat Development

સરદાર સરોવર નર્મદા ડેમ મહત્તમ સપાટીએ..નીરના વધામણા

નર્મદા યોજનાના સરદાર સરોવર ડેમની જળ સપાટી તેની મહત્તમ ૧૩૮.૬૮ મીટર એટલે કે, ૪૫૫ ફુટ પહોંચી છે


૧૦,૪૫૩ ગામો, ૧૯૧ શહેરો તથા ૦૭ મહાનગર પાલિકાઓને એમ કુલ મળીને ગુજરાતની આશરે ૪ કરોડથી વધુ પ્રજાને પીવાનું પાણી પુરું પાડી રહ્યો છે નર્મદા ડેમ
——
સુજલામ સુફલામ યોજનામાં ચાલુ જળ વર્ષ દરમિયાન રાજયભરના ૧૦૨૮ તળાવો ભરવામાં આવ્યા
——
સૌની યોજનામાં અંતર્ગત ઉત્તર ગુજરાત, સૌરાષ્ટ્ર અને કચ્છ ની જરૂરિયાતો અનુસાર ૧૬૭ તળાવો, ૧૦૧૪ ચેકડેમ અને ૪૫ ડેમ ભરવામાં આવ્યા

ગુજરાતમાં જળક્રાંતિ અને કૃષિક્રાંતિની જીવાદોરી સમાન નર્મદા યોજનાના સરદાર સરોવર ડેમની જળ સપાટી તેની મહત્તમ ૧૩૮.૬૮ મીટર એટલે કે, ૪૫૫ ફુટ પહોંચી છે. મુખ્યમંત્રીશ્રી ભૂપેન્દ્ર પટેલે લોકમાતા નર્મદાના પાવન જળની આરાધના બુધવારે બપોરે સરદાર સરોવર ડેમ સાઈટ એકતા નગર પહોંચીને જળ પૂજન અને વધામણાંથી કર્યા હતાં.

મુખ્યમંત્રીશ્રીએ ૧૦,૪૫૩ ગામો, ૧૯૧ શહેરો તથા ૦૭ મહાનગર પાલિકાઓને એમ કુલ મળીને ગુજરાતની આશરે ૪ કરોડથી વધુ પ્રજાને પીવાનું પાણી પુરું પાડતા આ સરદાર સરોવર નર્મદા ડેમ પ્રોજેક્ટનું જળાશય પૂર્ણ સપાટીએ છલકાતાં જળ રાશિનું ઉમંગ અને ઉલ્લાસમય વાતાવરણમાં વૈદિક મંત્રોચ્ચાર વચ્ચે પૂજન કર્યુ હતું.

વડાપ્રધાન શ્રી નરેન્દ્રભાઈ મોદીએ ૨૦૧૭માં ૧૭મી સપ્ટેમ્બરે સરદાર સરોવર ડેમનું રાષ્ટ્રાર્પણ કર્યુ ત્યારપછી આ ડેમ અત્યાર સુધીમાં કુલ ૦૭ વખત – વર્ષ ૨૦૧૯, ૨૦૨૦, ૨૦૨૨, ૨૦૨૩, ૨૦૨૪ અને ૨૦૨૫ તથા ૨૦૨૬માં તેની મહત્તમ સપાટીએ ભરાયો છે. નર્મદા ડેમની ૧૩૮.૬૮ મીટર (૪૫૫ ફુટ) સપાટીએ કુલ જળ સંગ્રહ ક્ષમતા ૯૪૬૦ મીલીયન ઘન મીટર છે.આ સાથે પ્રધાનમંત્રી તરીકેનું સેવા દાયિત્વ સંભાળ્યાના માત્ર ૧૭ દિવસમાં જ નર્મદા ડેમનું બાકીનું કામ પૂર્ણ કરવા તથા ગેટ બેસાડવાની મંજુરી આપી હતી.

મુખ્યમંત્રીશ્રીએ નર્મદાના નીરના વધામણાં કરતાં કહ્યુ કે, ચાલુ વર્ષમાં સમગ્ર નર્મદા બેસીનમાં આવેલ કુલ પાણીના જથ્થાને ધ્યાને લઈને સામાન્ય વર્ષોમાં ગુજરાતને ફાળવવામાં આવતા ૯ મિલિયન એકર-ફૂટ (MAF) પાણીની સામે હાલમાં આશરે ૭.૯ મિલિયન એકર-ફૂટ (MAF) પાણી ઉપલબ્ધ છે.

આ ઉપલબ્ધ અમૂલ્ય જળનો કરકસરપૂર્વક, સમજદારીપૂર્વક અને આયોજનબદ્ધ રીતે ઉપયોગ કરી પાણીના દરેક ટીપાનો મહત્તમ સદુપયોગ કરવો એ આપણી સૌની સામૂહિક જવાબદારી છે તેમ તેમણે ઉમેર્યુ હતું.

નોંધનીય છે કે, ચાલુ ચોમાસામાં સુજલામ-સુફલામ અને સૌની યોજના દ્વારા ઉત્તર ગુજરાત અને સૌરાષ્ટ્ર-કચ્છને પાણીનું વિતરણ કર્યું છે. સુજલામ સુફલામ યોજનામાં ચાલુ જળ વર્ષ દરમિયાન ૨૦૧ MCM ( ૭૧૧૮ MCFT) પાણી પૂરું પાડવામાં આવ્યું છે અને ૧૦૨૮ તળાવો ભરવામાં આવ્યા છે.

સૌની યોજનામાં ૨૮૮ MCM (૧૦૧૮૯ MCFT) પાણી પૂરું પાડવામાં આવ્યું છે અને ૧૬૭ તળાવો, ૧૦૧૪ ચેકડેમ અને ૪૫ ડેમ ભરવામાં આવ્યા છે. આમ, ઉત્તર ગુજરાત, સૌરાષ્ટ્ર અને કચ્છ ની જરૂરિયાતો અનુસાર તળાવો, ચેકડેમ, બંધો વગેરે ભરવા માટે પાણી વિતરણ કરવામાં આવેલ છે.

રાજ્યની અવિરત પ્રગતિના છડીદાર અને ગુજરાતના પાણીઆરા સમાન આ સરદાર સરોવર નર્મદા ડેમના પૂર્ણ સપાટીએ પહોંચેલા જળરાશિના પૂજન-અર્ચનથી જળ શક્તિની વદંના કરવાની પરંપરા મુખ્યમંત્રી શ્રી ભૂપેન્દ્ર પટેલે સતત ત્રીજા વર્ષે પણ જળ પૂજન કરીને આગળ ધપાવી છે.

આ કાર્યક્રમમાં પાણી પૂરવઠા રાજ્યમંત્રીશ્રી ઈશ્વરસિંહ પટેલ, મુખ્ય સચિવશ્રી એમ.કે.દાસ, મુખ્યમંત્રીના અગ્રસચિવશ્રી સંજીવ કુમાર, જિલ્લા પંચાયત પ્રમુખ શ્રીમતી અંજનાબેન વસાવા, સાંસદ શ્રી મનસુખભાઈ વસાવા, રાજ્યસભાના સાંસદશ્રી ડૉ. મુકેશભાઈ રાઠવા, નાંદોદના ધારાસભ્યશ્રી ડૉ.દર્શનાબેન દેશમુખ, પૂર્વ મંત્રીશ્રી શબ્દશરણ તડવી, SSNNLના ચેરમેન અને એમ.ડી. શ્રી મુકેશ પુરી, સ્ટેચ્યુ ઓફ યુનિટીના મુખ્ય કારોબારી અધિકારીશ્રી અમિત અરોરા તથા જિલ્લા વહીવટી તંત્રના વરિષ્ઠ અધિકારીશ્રીઓ ઉપસ્થિત રહ્યા હતા.

Chief Editor

Recent Posts

कैलिफोर्निया के नॉरवॉक में 15 नवंबर को दिवाली उत्सव का आयोजन

Diwali Utsav | अमेरिका के कैलिफोर्निया में SoCal Uttarakhandi Community की ओर से 15 नवंबर,…

2 days ago

કેલિફોર્નિયાના નોરવોકમાં 15 નવેમ્બરે ‘દિવાળી ઉત્સવ’ની ભવ્ય ઉજવણી

Diwali Utsav | અમેરિકાના કેલિફોર્નિયામાં સોકેલ ઉત્તરાખંડી સમુદાય (SoCal Uttarakhandi Community) દ્વારા 15 નવેમ્બર, 2026ના…

2 days ago

कैलिफोर्निया के माउंटेन व्यू शहर में 85 किफायती घरों वाला प्रोजेक्ट शुरू

Affordable Housing | अमेरिका के माउंटेन व्यू शहर में कम आय वाले परिवारों के लिए…

2 days ago

કેલિફોર્નિયાના માઉન્ટેન વ્યૂમાં 85 સસ્તાં આવાસ સાથે ‘મોન્ટેસિટો મલ્ટિફેમિલી’ પ્રોજેક્ટ શરૂ

Affordable Housing | અમેરિકાના માઉન્ટેન વ્યૂ શહેરમાં ઓછી આવક ધરાવતા પરિવારો માટે ‘મોન્ટેસિટો મલ્ટિફેમિલી’ એફોર્ડેબલ હાઉસિંગ…

2 days ago

कैलिफोर्निया के सैक्रामेंटो में 12 दिसंबर को ‘रिदम्स ऑफ इंडिया’ सांस्कृतिक कार्यक्रम

Rhythms of India | कैलिफोर्निया के सैक्रामेंटो शहर में इंडियन एसोसिएशन ऑफ सैक्रामेंटो (IAS) की…

2 days ago

કેલિફોર્નિયાના સેક્રામેન્ટોમાં 12 ડિસેમ્બરે ‘રિધમ્સ ઓફ ઇન્ડિયા’ કાર્યક્રમ

Rhythms of India | અમેરિકામાં કેલિફોર્નિયાના સેક્રામેન્ટોમાં 'સેક્રામેન્ટો ઇન્ડિયન એસોસિએશન' (IAS) દ્વારા ભારતીય સંસ્કૃતિ, સંગીત…

2 days ago