કેલિફોર્નિયાના માઉન્ટેન વ્યૂમાં 85 સસ્તાં આવાસ સાથે ‘મોન્ટેસિટો મલ્ટિફેમિલી’ પ્રોજેક્ટ શરૂ

Affordable Housing | અમેરિકાના માઉન્ટેન વ્યૂ શહેરમાં ઓછી આવક ધરાવતા પરિવારો માટે ‘મોન્ટેસિટો મલ્ટિફેમિલી’ એફોર્ડેબલ હાઉસિંગ પ્રોજેક્ટનું ભવ્ય ઉદ્ઘાટન કરવામાં આવ્યું છે.

કેલિફોર્નિયાના માઉન્ટેન વ્યૂ શહેર પ્રશાસન, ચેરિટીઝ હાઉસિંગ, સાન્ટા ક્લારા કાઉન્ટી, સાન્ટા ક્લારા કાઉન્ટી હાઉસિંગ ઓથોરિટી સહિતના સરકારી અને ખાનગી ભાગીદારોના સહયોગથી આ પ્રોજેક્ટ શરૂ કરવામાં આવ્યો છે.

1265 મોન્ટેસિટો એવન્યુ ખાતે નિર્મિત આ આવાસ યોજનામાં કુલ 85 સસ્તાં એપાર્ટમેન્ટ ઉપલબ્ધ કરાવવામાં આવ્યાં છે.

આ મકાનો વિસ્તારની ઓછી આવક ધરાવતી પરિવારોની રહેઠાણની જરૂરિયાતો પૂરી કરવાના હેતુથી તૈયાર કરવામાં આવ્યાં છે.

ખાસ કરીને એરિયા મીડિયન ઇન્કમ (AMI) ના 30%થી 50% સુધીની આવક ધરાવતા પરિવારોને આ આવાસ ફાળવવામાં આવશે.

આ પ્રોજેક્ટના વિકાસ માટે માઉન્ટેન વ્યૂ શહેર દ્વારા રૂ. 13.5 મિલિયનની ફાળવણી કરવામાં આવી છે.