ઈન્ડિયન સિનિયર્સ શિકાગો

જુલાઈ ૧૨ ના રોજ ઈન્ડિયન સિનિયર્સ શિકાગોએ સેંટ જેમ્સ ફાર્મ, વોરેન વિલ ખાતે એક સમર પિકનિકનું આયોજન કરેલ. લગભગ ૩૮૦ સભ્યો હાજર રહી પિકનિકની મજા માણી હતી. સવારના ૧૦ વાગ્યા થી ૧૦:૩૦ રજીસ્ટ્રેશન કરવામાં આવ્યું હતું. દરેક સભ્યનું લેમઓનેડ, પેપ્સી, ઓરેન્જ, અને ઠંડા પીણાં થી સ્વાગત કરવામાં આવ્યું હતું. બપોરના લંચમાં ગરમ ભજીયા, ચટણી, પાપડી ગાંઠિયા, જલેબી, મરચાનો સંભારો આપવામાં આવેલ.

          ત્યાર બાદ પ્રેસિડેન્ટ કાન્તીભાઈ પટેલ અને ઉપ પ્રમુખ નવીનભાઈ પટેલે પિકનિકને લગતી માહિતી આપી હતી. જુલાઈ મહિનામાં જેઓના જન્મ દિવસ નિમિતે ‘બાર બાર યે દિન આયે.. હેપી બર્થડે’ ગીત ગાઈને જન્મ દિવસની શુભેછાઓ પાઠવવામાં આવેલ. ત્યાર બાદ હનુમાન ચાલીસાના પાઠ કરવામાં આવેલ. ત્યાર બાદ હેમંત મોદીએ જૂન માસનો આવક-જાવક નો હિસાબ રજુ કરેલ. ત્યારબાદ ‘અમૂલ ગુલફીનો આનંદ માણી અંતાક્ષરી માં ગીતો ગાઈને સૌએ ભાગ લીધેલ. ત્યારબાદ બોલ ગેમ, બિંગો, ગેમો જયેશ શાહ અને દક્ષા પરીખ દ્વારા રમાંડવામાં આવેલ અને જીતનાર ને ઇનામો આપવામાં આવેલ. બપોરના ૩ વાગે ચા પાણી નાસ્તા સાથે આપવામાં આવેલ. ત્યારબાદ દરેકને વોટર મેલોન આપવામાં આવેલ. પિકનિકના અંતે પ્રાર્થના કરી સ્વાદિષ્ટ ભોજન નો આનંદ માણી સૌ એ વિદાઇ લીધી.