US F-15 fighter jet crashed in Kuwait | કુવૈત (Kuwait) ના એરસ્પેસમાં અમેરિકાનું શક્તિશાળી ફાઈટર જેટ F-15 ક્રેશ (F-15 Fighter Jet Crash) થયું હોવાના અહેવાલ છે.
પ્રાથમિક માહિતી મુજબ, ટેકનિકલ ખામી અથવા ઓપરેશનલ ભૂલને કારણે આ દુર્ઘટના ઘટી હોવાની આશંકા છે. સદનસીબે, જેટ ક્રેશ થતા પહેલા પાયલોટે પોતાને સુરક્ષિત રીતે ઇજેક્ટ (Eject) કરી લીધા હતા. નિષ્ણાતો એવી પણ ચર્ચા કરી રહ્યા છે કે શું કુવૈતની એર ડિફેન્સ સિસ્ટમ (Air Defense System) દ્વારા ઓળખવામાં થયેલી ભૂલને કારણે આ દુર્ઘટના બની છે? જોકે, સત્તાવાર તપાસ હજુ ચાલુ છે.
બીજી તરફ, મિડલ ઈસ્ટ (Middle East) માં તણાવ ચરમસીમાએ છે. ઈરાનના સુપ્રીમ લીડર આયાતુલ્લા ખામેનેઈ (Ayatollah Khamenei) ના નિધન બાદ હુમલાઓ તેજ થયા છે. ઇઝરાયેલ (Israel) દ્વારા લેબનાનના બેરૂત (Beirut) માં હિઝબુલ્લાહના ઠેકાણાઓ પર જોરદાર એર સ્ટ્રાઈક (Air Strike) કરવામાં આવી રહી છે.
જવાબમાં ઈરાને દુબઈ, અબુ ધાબી અને દોહા જેવા ગલ્ફ (Gulf) શહેરોમાં અમેરિકી સૈન્ય મથકોને ટાર્ગેટ બનાવી મિસાઈલ હુમલા કર્યા છે. આ યુદ્ધને કારણે ક્રૂડ ઓઈલ (Crude Oil) ની કિંમતોમાં પણ ભારે ઉછાળો જોવા મળી રહ્યો છે.