ભાજપ કાર્યાલયમાં હંગામો: મહિલાએ મંચ પર જઈ નેતાનો કોલર પકડ્યો અને ઝીંકી દીધી થપ્પડ, વીડિયો વાયરલ

Woman Grabs Leader: ઉત્તર પ્રદેશના (Uttar Pradesh) મહારાજગંજ જિલ્લામાં ભાજપ કાર્યાલય (BJP Office) ની અંદર એક ચોંકાવનારી ઘટના બની છે. નવા નિમણૂક પામેલા સભાસદોના સ્વાગત સમારોહ દરમિયાન એક મહિલાએ ભરી સભામાં પાર્ટીના પદાધિકારીને લાફો ઝીંકી દીધો હતો. આ સમગ્ર ઘટનાનો વીડિયો (Video) સોશિયલ મીડિયા (Social Media) પર ભારે વાયરલ થઈ રહ્યો છે.

સ્વાગત સમારોહમાં હુમલો જ્યારે મંચ પર નેતાઓનું સ્વાગત ચાલી રહ્યું હતું, ત્યારે જ એક મહિલા તેના પુત્ર સાથે ત્યાં પહોંચી હતી. પ્રત્યક્ષદર્શીઓના જણાવ્યા અનુસાર, મહિલાએ સીધા મંચ પર જઈને પદાધિકારીનો કોલર પકડી લીધો અને પૈસા હડપ કરવાનો આરોપ લગાવી જોરદાર ઝાપટ મારી દીધી હતી. આ જોઈને ત્યાં હાજર કાર્યકરો અને નેતાઓ સ્તબ્ધ થઈ ગયા હતા.

શું છે વિવાદનું મુખ્ય કારણ? આ વિવાદ પૈસાની લેતીદેતી (Money Dispute) સાથે જોડાયેલો છે. જાણકારી મુજબ, મહિલાએ LIC પોલિસીના (LIC Policy) નામે પદાધિકારીને અંદાજે 4.50 લાખ રૂપિયા આપ્યા હતા, જે તેમણે જમા કરાવ્યા નહોતા. મહિલા લાંબા સમયથી પોતાના પૈસા પાછા માંગી રહી હતી, પરંતુ કોઈ ઉકેલ ન આવતા તેણે જાહેરમાં પોતાનો ગુસ્સો ઠાલવ્યો હતો.

ચપ્પલ કાઢીને દોડી મહિલા મહિલાનો ગુસ્સો એટલો સીમાબહાર હતો કે તેણે હાથમાં ચપ્પલ લઈને નેતાને મારવા માટે દોટ મૂકી હતી. હંગામાની જાણ થતા જ પોલીસ (Police) કાફલો ઘટનાસ્થળે પહોંચી ગયો હતો અને પરિસ્થિતિ પર કાબૂ મેળવ્યો હતો. હાલ પોલીસ આ મામલે બંને પક્ષોની પૂછપરછ (Investigation) કરી રહી છે.