ગુજરાતમાં ફરી કમોસમી વરસાદની આગાહી, આજે 6 જિલ્લામાં યલો ઍલર્ટ

Gujarat Rain Forecast | ફેબ્રુઆરી (February) ના અંતિમ દિવસોમાં ગુજરાતમાં શિયાળો, ઉનાળો અને ચોમાસું એમ ત્રણેય ઋતુનો સંગમ જોવા મળી રહ્યો છે. સોમવારે (23 February) અમદાવાદ, ભરૂચ અને અમરેલીમાં પડેલા વરસાદ બાદ આજે મંગળવારે (24 February) પણ હવામાન વિભાગે (IMD) રાજ્યના 6 જિલ્લાઓ માટે ‘યલો એલર્ટ’ (Yellow Alert) જાહેર કર્યું છે.

ગઈકાલે મોડી રાત્રે સુરેન્દ્રનગરના લખતર તાલુકા સહિત કડુ, ઓળક અને માલિકા જેવા ગ્રામ્ય વિસ્તારોમાં કમોસમી વરસાદી ઝાપટાં નોંધાયા હતા, જેના કારણે ખેડૂતોમાં ચિંતાનો માહોલ જોવા મળી રહ્યો છે.

આ 6 જિલ્લાઓમાં ‘યલો એલર્ટ’ (Yellow Alert)

હવામાન વિભાગે આગામી 24 કલાકમાં ઉત્તર અને પૂર્વ ગુજરાતમાં હળવા વરસાદ (Light Rain) ની શક્યતા વ્યક્ત કરી છે. સાવચેતીના ભાગરૂપે નીચેના જિલ્લાઓમાં એલર્ટ આપવામાં આવ્યું છે:

• સાબરકાંઠા (Sabarkantha)
• અરવલ્લી (Aravalli)
• મહીસાગર (Mahisagar)
• છોટા ઉદેપુર (Chhota Udepur)
• દાહોદ (Dahod)
• પંચમહાલ (Panchmahal)

રાજ્યના અન્ય ભાગોમાં પણ વરસાદી માહોલ

હવામાન વિભાગના જણાવ્યા અનુસાર, તેજ પવન (Strong Winds) અને વાવાઝોડા જેવી સ્થિતિ વચ્ચે રાજ્યના વિવિધ ભાગોમાં વરસાદ વરસી શકે છે:

ઉત્તર ગુજરાત: બનાસકાંઠા અને સાબરકાંઠામાં માવઠાની પૂરેપૂરી શક્યતા છે.

દક્ષિણ ગુજરાત: ભરૂચ, તાપી, સુરત અને નર્મદામાં પવન સાથે હળવા ઝાપટાં પડી શકે છે.

સૌરાષ્ટ્ર-કચ્છ: અમરેલી અને કચ્છના ભાગોમાં પણ કમોસમી વરસાદ (Unseasonal Rain) ની આગાહી કરવામાં આવી છે.

અમદાવાદમાં ધુમ્મસ અને વરસાદી ઝાપટાં

અમદાવાદ (Ahmedabad) માં સોમવારે એસ.જી. હાઈવે, ગોતા, સિંધુ ભવન અને શિવરંજની જેવા વિસ્તારોમાં વરસાદી માહોલ જામ્યો હતો. આજે વહેલી સવારથી જ શહેરમાં ભારે ભેજ (Humidity) ને કારણે ગાઢ ધુમ્મસ (Fog) જોવા મળ્યું હતું. વિઝિબિલિટી (Visibility) ઘટવાને કારણે વાહનચાલકોને મુશ્કેલીનો સામનો કરવો પડ્યો હતો. ઠંડા પવનને કારણે વાતાવરણમાં ફરી એકવાર ઠંડક પ્રસરી ગઈ છે.