ટ્રમ્પને જે ખજાનો જોઈતો હતો તે ભારતને મળશે? કેનેડા સાથે થશે 5 મોટી ડિલ

India-Canada Trade Deal | કેનેડાના વડાપ્રધાન માર્ક કાર્ની (Mark Carney) પ્રથમ વખત ભારતની સત્તાવાર મુલાકાતે આવી રહ્યા છે. ફેબ્રુઆરી (February) ના અંતમાં યોજાનારી આ મુલાકાત ભારત અને કેનેડાના સંબંધોમાં ‘રીસેટ બટન’ (Reset Button) સાબિત થઈ શકે છે. વડાપ્રધાન નરેન્દ્ર મોદી (PM Narendra Modi) અને માર્ક કાર્ની વચ્ચેની આ મુલાકાતથી બંને દેશો વચ્ચેની જૂની કડવાશ દૂર થઈ મિત્રતાના નવા અધ્યાયની શરૂઆત થવાની આશા છે.

નિષ્ણાતોના મતે, આ પ્રવાસથી ભારતના ડિફેન્સ (Defense) અને ટેકનોલોજી સેક્ટર (Technology Sector) માં પ્રગતિના નવા દ્વારા ખુલી શકે છે.

 માર્ક કાર્ની 26 February થી 7 March 2026 સુધી ઇન્ડો-પેસિફિક (Indo-Pacific) પ્રવાસે છે. તેઓ પોતાની મુલાકાતની શરૂઆત મુંબઈ (Mumbai) થી કરશે, જ્યાં તેઓ ભારતના દિગ્ગજ બિઝનેસ લીડર્સ (Business Leaders) સાથે બેઠક કરશે. ત્યારબાદ નવી દિલ્હી (New Delhi) માં PM મોદી સાથે દ્વિપક્ષીય મંત્રણા (Bilateral Talks) યોજાશે.

આ 5 મોટી ડીલ્સ પર રહેશે વિશ્વની નજર

1. યુરેનિયમ અને ન્યુક્લિયર એનર્જી (Uranium & Nuclear Energy): ભારતની વધતી વીજ જરૂરિયાતો માટે આ સૌથી મહત્વનો કરાર છે. કેનેડાની કંપની ‘કમેકો’ (Cameco) ભારતને આગામી 10 વર્ષ સુધી યુરેનિયમ સપ્લાય કરવા માટે આશરે 2.8 બિલિયન ડોલર (₹23,000 કરોડ) ના કરાર પર હસ્તાક્ષર કરી શકે છે.

2. CEPA: મહા-વેપાર સમજૂતી (Economic Partnership): બંને દેશો વચ્ચેના વેપારને 2030 સુધીમાં 50 બિલિયન ડોલર સુધી પહોંચાડવા માટે ‘કોમ્પ્રીહેન્સિવ ઇકોનોમિક પાર્ટનરશિપ એગ્રીમેન્ટ’ (CEPA) પર ચર્ચા થશે. આનાથી ખેતી, કઠોળ અને મેન્યુફેક્ચરિંગ (Manufacturing) ક્ષેત્રે ટેક્સમાં રાહત મળી શકે છે.

3. ક્રિટિકલ મિનરલ્સ (Critical Minerals): ઈલેક્ટ્રિક વાહનો (EV) ની બેટરી માટે જરૂરી લિથિયમ (Lithium) અને કોબાલ્ટ (Cobalt) નો કેનેડા પાસે મોટો ભંડાર છે. ભારત પોતાની ઇવી ક્રાંતિ માટે લાંબા ગાળાના સપ્લાય કરાર કરવા માંગે છે.

4. આર્ટિફિશિયલ ઇન્ટેલિજન્સ અને ટેક (AI & Tech): બંને દેશો આર્ટિફિશિયલ ઇન્ટેલિજન્સ (AI) રિસર્ચ અને સાયબર સિક્યુરિટી (Cyber Security) ક્ષેત્રે સાથે મળીને કામ કરવાના કરાર કરી શકે છે.

5. ટેલેન્ટ મોબિલિટી (Talent Mobility): કેનેડામાં વસતા ભારતીય વિદ્યાર્થીઓ (Students) અને પ્રોફેશનલ્સ માટે કામ કરવું અને અભ્યાસ કરવો વધુ સરળ બને તેવું નવું માળખું (Framework) તૈયાર કરવામાં આવશે.