UK PM Keir Starmer
UK Political Crisis | બ્રિટનના વડાપ્રધાન (Prime Minister) Keir Starmer (કીર સ્ટાર્મર) માટે સત્તા બચાવવી મુશ્કેલ બની રહી છે. તાજેતરની સ્થાનિક ચૂંટણીઓમાં લેબર પાર્ટી (Labour Party) ના કારમા પરાજય બાદ પક્ષમાં બળવો ફાટી નીકળ્યો છે.
મંગળવારની વહેલી સવાર સુધીમાં બગાવત કરનારા સાંસદોની સંખ્યા વધીને 72 પર પહોંચી ગઈ છે. લેબર પાર્ટીના કુલ 403 સાંસદોમાંથી આ સાંસદોએ સ્પષ્ટ માંગ કરી છે કે સ્ટાર્મર તુરંત રાજીનામું (Resignation) આપે અથવા પદ છોડવાની નિશ્ચિત સમયમર્યાદા જાહેર કરે.
કેબિનેટમાં ભંગાણ બ્રિટિશ કેબિનેટ (Cabinet) માં અત્યારે બે ભાગલા પડી ગયા છે. સૌથી મોટો રાજકીય ફટકો ત્યારે પડ્યો જ્યારે ગૃહમંત્રી (Home Secretary) શબાના મહમૂદે વડાપ્રધાનને પદ છોડવા માટે લાલબત્તી ધરી દીધી. જોકે પીએમ કીર સ્ટાર્મર હજુ પણ કેટલાક વરિષ્ઠ મંત્રીઓના ટેકા પર ટકેલા છે, પરંતુ શબાના મહમૂદ જેવા મોટા નેતાના વિરોધે સ્થિતિ ગંભીર બનાવી છે.
નારાજગીના મુખ્ય કારણો:
ચૂંટણી હાર: ઈંગ્લેન્ડમાં પાર્ટીએ અંદાજે 1,500 કાઉન્સિલરો (Councilors) ની બેઠકો ગુમાવી છે.
ઐતિહાસિક નુકસાન: વેલ્સમાં એક સદી જૂનું વર્ચસ્વ ખતમ થયું અને સ્કોટલેન્ડમાં સૌથી નબળું પ્રદર્શન રહ્યું.
સ્પર્ધા: રિફોર્મ યુકે (Reform UK) અને ગ્રીન પાર્ટી લેબરના મતોમાં ગાબડાં પાડી રહી છે.
પીએમ સ્ટાર્મર આ દબાણ વચ્ચે પણ મક્કમ છે. તેમણે સ્વીકાર્યું છે કે સરકારથી કેટલીક ભૂલો (Mistakes) થઈ છે, પરંતુ પદ છોડવાનો તેમનો કોઈ ઈરાદો નથી. તેમણે દાવો કર્યો છે કે તેઓ ટીકાકારોને ખોટા સાબિત કરશે અને દેશને અરાજકતાથી બચાવશે.