યુસી સેન ડિએગો ખાતે ‘ટાલહેલ્થ ફેસ્ટ 2026’: ટચ-એ-લાઈફ ફાઉન્ડેશને તેલંગાણાના મંત્રીઓને પાઠવ્યું નિમંત્રણ

TALHealth Fest 2026 | અમેરિકાના કેલિફોર્નિયામાં આવેલી યુનિવર્સિટી ઓફ કેલિફોર્નિયા સેન ડિએગો (UC San Diego) ખાતે 30 ઓક્ટોબર 2026ના રોજ પ્રતિષ્ઠિત ‘ટાલહેલ્થ ફેસ્ટ 2026’ (TALHealth Fest 2026)નું આયોજન કરવામાં આવશે.

આ કાર્યક્રમનું આયોજન અમેરિકા સ્થિત નોન-પ્રોફિટ સંસ્થા ‘ટચ-એ-લાઈફ ફાઉન્ડેશન’ (TAL) દ્વારા કરવામાં આવી રહ્યું છે.

આ ગ્લોબલ ઇવેન્ટમાં હેલ્થકેર નિષ્ણાતો, સંશોધકો, ટેકનોલોજી લીડર્સ, ફાર્માસ્યુટિકલ કંપનીઓ અને ગ્લોબલ હેલ્થ સોલ્યુશન પ્રોવાઈડર્સ એક મંચ પર ભેગા થશે.

આ સમિટ માટે ટચ-એ-લાઈફ ફાઉન્ડેશને તેલંગાણાના આરોગ્ય મંત્રી દાામોદર રાજનરસિમ્હા અને આઈટી મંત્રી દુદ્દિલા શ્રીધર બાબુને વિશેષ અતિથિ (ડિસ્ટિંગ્વિશ ડ ગેસ્ટ ઓફ ઓનર) તરીકે હાજર રહેવા ખાસ આમંત્રણ પાઠવ્યું છે.

તેલંગાણા સરકારે તાજેતરમાં પોતાની ‘નેક્સ્ટ-જેન લાઈફ સાયન્સિસ પોલિસી 2026-30’ અને ‘એઆઈ ઈનોવેશન હબ’ રજૂ કર્યા છે, જેના કારણે લાઈફ સાયન્સિસ અને હેલ્થકેર ઈનોવેશન ક્ષેત્રે તેલંગાણા વૈશ્વિક સ્તરે ઉભરી રહ્યું છે. આ પરિપ્રેક્ષ્યમાં મંત્રીઓનું આયોજનમાં જોડાવું અત્યંત મહત્વપૂર્ણ માનવામાં આવે છે.

આ ફેસ્ટિવલમાં આર્ટિફિશિયલ ઇન્ટેલિજન્સ (AI), ડિજિટલ હેલ્થ, પર્સનલાઇઝ્ડ મેડિસિન અને ગ્લોબલ હેલ્થકેર એક્સેસ જેવા મુખ્ય વિષયો પર ઊંડાણપૂર્વક ચર્ચા કરવામાં આવશે.