રાહતના સમાચારઃ હોર્મુઝની ખાડીમાંથી ભારતીય જહાજ ‘જગ વિક્રમ’ સુરક્ષિત રીતે પસાર

મિડલ ઈસ્ટ (Middle East) માં ચાલતા તણાવ વચ્ચે ભારતની ઉર્જા સુરક્ષા (Energy Security) માટે એક પોઝિટિવ (Positive) સમાચાર આવ્યા છે. વિશ્વના સૌથી મહત્વપૂર્ણ દરિયાઈ માર્ગ ગણાતા હોર્મુઝ સ્ટ્રેટ (Strait of Hormuz) માંથી ભારતનું બીજું LPG ટેન્કર ‘જગ વિક્રમ’ (JAG VIKRAM) સુરક્ષિત રીતે બહાર નીકળી ગયું છે. આ સિવાય શનિવારે એક જ દિવસમાં કુલ 16 જહાજોએ આ માર્ગ પસાર કર્યો છે, જે ગ્લોબલ માર્કેટ (Global Market) માટે સારા સંકેત છે.

કેન્દ્રીય મંત્રી સર્બાનંદ સોનોવાલે (Sarbananda Sonowal) આપી માહિતી કેન્દ્રીય શિપિંગ મંત્રી સર્બાનંદ સોનોવાલે સોશિયલ મીડિયા (Social Media) પ્લેટફોર્મ X પર જણાવ્યું કે, ભારતીય ધ્વજ ધરાવતું આ જહાજ 24 ભારતીય ક્રૂ મેમ્બર્સ (Crew Members) સાથે 11 એપ્રિલના રોજ પર્શિયન ગલ્ફ (Persian Gulf) માંથી સફળતાપૂર્વક પસાર થઈ ઓમાનના અખાત (Gulf of Oman) માં પહોંચી ગયું છે.

ભારતમાં LPG ની અછત દૂર થશે આ જહાજ આશરે 20,000 ટન LPG વહન કરી રહ્યું છે. છેલ્લા કેટલાક સમયથી ભારતમાં રાંધણ ગેસ (Cooking Gas) ના સપ્લાય અંગે જે ચિંતા હતી, તે આ સફળતાથી ઓછી થશે. અગાઉ કમર્શિયલ (Commercial) એકમો માટે ગેસ સપ્લાયમાં જે કાપ હતો, તે હવે જલ્દી પૂર્વવત થઈ શકે છે.

શા માટે હોર્મુઝ સ્ટ્રેટ (Strait of Hormuz) મહત્વનું છે? વિશ્વનો 20% તેલ અને ગેસનો વેપાર આ માર્ગે થાય છે. ભારત તેના 90% ક્રૂડ ઓઈલ (Crude Oil) અને 60% LPG ની આયાત (Import) માટે આ રૂટ પર નિર્ભર છે. અમેરિકા અને ઈરાન વચ્ચેના અસ્થાયી યુદ્ધવિરામ (Ceasefire) બાદ આ માર્ગ ખુલવો એ ભારતીય અર્થતંત્ર (Economy) માટે મોટા સમાચાર છે.