ગુજરાતમાં 17 એપ્રિલ સુધી ‘યલો એલર્ટ’ જાહેર, પારો 41 ડિગ્રીને પાર જવાની શક્યતા

Gujarat Weather Update: | ગુજરાતમાં હવે ઉનાળાએ પોતાનું રૌદ્ર સ્વરૂપ ધારણ કર્યું છે. હવામાન વિભાગ (IMD) દ્વારા રાજ્યમાં આગામી 17 એપ્રિલ સુધી આકરી ગરમીનું ‘યલો એલર્ટ’ (Yellow Alert) જાહેર કરવામાં આવ્યું છે. એક તરફ દેશના અન્ય રાજ્યોમાં સાયક્લોનિક સર્ક્યુલેશન (Cyclonic Circulation) ના કારણે વરસાદી માહોલ છે, ત્યારે ગુજરાતમાં સૂર્યદેવ આકરા પાણીએ થયા છે.

તાપમાનમાં 2 થી 4 ડિગ્રીનો વધારો થશે હવામાન વિભાગની આગાહી મુજબ, આગામી બે દિવસમાં રાજ્યના મહત્તમ તાપમાનમાં 2 થી 4 ડિગ્રી સેલ્સિયસનો (Celsius) વધારો થઈ શકે છે. ખાસ કરીને અમદાવાદમાં (Ahmedabad) તાપમાનનો પારો 41 ડિગ્રી સેલ્સિયસને પાર કરી જવાની પૂરેપૂરી શક્યતા છે. રાહતની વાત એ છે કે 17 એપ્રિલ સુધી કમોસમી વરસાદની (Unseasonal Rain) કોઈ શક્યતા નથી, પરંતુ બપોરના સમયે હીટવેવ (Heatwave) જેવી સ્થિતિનો સામનો કરવો પડી શકે છે.

દરિયાકાંઠાના વિસ્તારોમાં અસહ્ય બફારો સૌરાષ્ટ્ર (Saurashtra) અને દક્ષિણ ગુજરાતના દરિયાકાંઠાના વિસ્તારોમાં ભેજનું પ્રમાણ વધુ હોવાને કારણે ‘ભેજવાળી ગરમી’ (Humid Heat) લોકોની મુશ્કેલી વધારશે. આકાશ ચોખ્ખું રહેવાને કારણે હીટ ઇન્ડેક્સ (Heat Index) વધશે, જેનાથી વાસ્તવિક તાપમાન કરતા પણ વધુ ગરમીનો અનુભવ થશે.

અન્ય રાજ્યોમાં વરસાદની આગાહી જ્યારે ગુજરાત ગરમીમાં શેકાઈ રહ્યું છે, ત્યારે ઉત્તર ભારત અને દક્ષિણ ભારતના 12 થી વધુ રાજ્યોમાં તોફાની પવન અને ગાજવીજ સાથે વરસાદની આગાહી છે. હિમાચલ અને ઉત્તરાખંડ જેવા પહાડી વિસ્તારોમાં 50 થી 60 કિમી પ્રતિ કલાકની ઝડપે પવન ફૂંકાઈ શકે છે. જોકે, ગુજરાતમાં અત્યારે માત્ર આકરો તડકો અને ગરમી જ મુખ્ય પડકાર રહેશે.