રાજસ્થાનના અલવરમાં ફેક્ટરીમાં ભીષણ આગ: 7 શ્રમિકોના કરૂણ મોત

Alwar Factory Fire | રાજસ્થાનના (Rajasthan) અલવર જિલ્લાના ખુશખેડા ઇન્ડસ્ટ્રીયલ એરિયામાં (Industrial Area) આજે એક હૃદયદ્રાવક અકસ્માત સર્જાયો છે. એક બંધ પડેલી કેમિકલ ફેક્ટરીમાં (Chemical Factory) અચાનક ભીષણ આગ (Fire) ફાટી નીકળતા 7 શ્રમિકોના જીવતા ભુંજાઈ જવાથી મોત નિપજ્યા છે. સોમવારે સવારે અંદાજે 10 વાગ્યે લાગેલી આ આગે (Fire) જોતજોતામાં વિકરાળ સ્વરૂપ ધારણ કરી લીધું હતું, જેના કારણે અંદર કામ કરી રહેલા લોકોને બહાર નીકળવાની તક પણ મળી નહોતી.

પ્રચંડ ધડાકાથી ગુંજી ઉઠ્યો વિસ્તાર પ્રત્યક્ષદર્શીઓના જણાવ્યા અનુસાર, ફેક્ટરીની અંદર 3 થી 4 વાર જોરદાર ધડાકા (Explosions) થયા હતા. આશંકા છે કે ફેક્ટરીમાં રાખવામાં આવેલા ગેસ સિલિન્ડર (Gas Cylinders) ફાટવાને કારણે આ ધડાકા થયા હોઈ શકે છે. આ ઘટનાને પગલે આસપાસની ફેક્ટરીઓ પણ ખાલી કરાવવામાં આવી હતી.

રેસ્ક્યુ ઓપરેશન અને તપાસ આગ (Fire) ઘટનાની જાણ થતા જ ફાયર બ્રિગેડની (Fire Brigade) અડધો ડઝનથી વધુ ગાડીઓ ઘટનાસ્થળે પહોંચી હતી. ફેક્ટરીમાં પૂંઠા અને જ્વલનશીલ પદાર્થોનો સ્ટોક (Stock) હોવાથી આગ (Fire) બુઝાવવામાં ભારે જહેમત ઉઠાવવી પડી હતી. ભિવાડી પોલીસ (Bhivadi Police) દ્વારા હાલ તપાસ હાથ ધરવામાં આવી છે કે ફેક્ટરી બંધ હોવા છતાં અંદર શ્રમિકો શા માટે હાજર હતા અને આગ લાગવાનું ચોક્કસ કારણ શું છે.