‘જરાય શરમ રહી નથી, જોકરોનો શૉ ચાલી રહ્યો છે…’, ઓબામાએ ટ્રમ્પ સરકાર ની જાટકણી કાઢી

Barack Obama Trump | અમેરિકાના (America) પૂર્વ રાષ્ટ્રપ્રમુખ બરાક ઓબામાએ (Barack Obama) વર્તમાન ટ્રમ્પ સરકારની કાર્યશૈલી અને ઘટતા રાજકીય સ્તર પર આકરો શાબ્દિક હુમલો કર્યો છે. એક પોડકાસ્ટ (Podcast) દરમિયાન વાતચીત કરતા ઓબામાએ ટ્રમ્પના બીજા કાર્યકાળની રાજનીતિને ‘જોકરોનો શૉ’ (Clown Show) ગણાવ્યો હતો. તેમણે ચિંતા વ્યક્ત કરી કે વ્હાઈટ હાઉસના (White House) તાજેતરના નિવેદનો અને વ્યવહારથી સામાન્ય અમેરિકનો પરેશાન થઈ રહ્યા છે.

રાજકીય શિષ્ટાચાર અને મર્યાદાનો અભાવ ઓબામાએ ખાસ કરીને ઈન્ટરનેટ અને ટેલિવિઝન પર ચાલતા વર્તમાન રાજકારણને ‘સર્કસ’ (Circus) ગણાવ્યું હતું. તેમણે પૂર્વ પ્રથમ મહિલા મિશેલ ઓબામા (Michelle Obama) વિરુદ્ધના વિવાદાસ્પદ વીડિયો અને તે મુદ્દે ટ્રમ્પ દ્વારા માફી ન માંગવા બદલ નારાજગી વ્યક્ત કરી હતી. ઓબામાએ કહ્યું કે, જે પદ માટે અગાઉ શિષ્ટાચાર અને આદર હતો, ત્યાં હવે કોઈ શરમ (Shame) રહી નથી.

લોકશાહી બચાવવાની અપીલ રિપબ્લિકન પાર્ટીની (Republican Party) ટીકા કરતા ઓબામાએ ડેમોક્રેટ્સને (Democrats) ચેતવણી આપી હતી કે તેઓ વિપક્ષની જેમ નકારાત્મક અભિગમ ન અપનાવે. તેમણે કહ્યું કે લોકશાહીમાં (Democracy) સૈન્ય કે નાણાકીય શક્તિનો ખોટો ઉપયોગ કરવો એ નિયમોની વિરુદ્ધ છે. ઓબામાએ પોતાના સમર્થકોને આ મુશ્કેલ સમયમાં નિરાશ ન થવા અને લોકશાહીના મૂલ્યોની રક્ષા કરવા આગ્રહ કર્યો હતો.