1 એપ્રિલથી બદલાઈ રહ્યા છે પાન કાર્ડના નિયમો, કાર અને પ્રોપર્ટી ખરદતા પહેલા આ વાંચી લેજો

PAN Card | કેન્દ્ર સરકાર દ્વારા પાન કાર્ડ (PAN Card New Rules 2026) ને લઈને મોટા ફેરફારોના સંકેત આપવામાં આવ્યા છે. આ નવા નિયમોનો મુખ્ય ઉદ્દેશ્ય ટેક્સ સિસ્ટમ (Tax System) ને વધુ પારદર્શક અને ડિજિટલ (Digital) બનાવવાનો છે.

હવે દરેક મોટા નાણાકીય વ્યવહારો સાથે PAN ને વધુ મજબૂતીથી જોડવામાં આવશે, જેથી ટેક્સ ચોરી પર લગામ લગાવી શકાય. નવા નિયમો હેઠળ પાન-આધાર લિંકિંગ (PAN-Aadhaar Linking) અને હાઈ-વેલ્યુ ટ્રાન્ઝેક્શન (High-value transaction) ના રિપોર્ટિંગને વધુ કડક બનાવવામાં આવશે.

ઈન્કમ ટેક્સ ડ્રાફ્ટ રૂલ્સમાં શું છે ખાસ?
સરકાર દ્વારા જાહેર કરવામાં આવેલા નવા ઈન્કમ ટેક્સ ડ્રાફ્ટ રૂલ્સ (Income Tax Draft Rules) મુજબ, હવે અનેક પ્રકારના નાણાકીય વ્યવહારોમાં PAN ફરજિયાત રહેશે. બેંકિંગ ટ્રાન્ઝેક્શન (Banking transaction), રોકાણ, મ્યુચ્યુઅલ ફંડ (Mutual Fund), શેરબજાર અને મોટી રોકડ જમા કરાવવાની માહિતી સીધી આવકવેરા વિભાગ સુધી પહોંચશે. આ ડ્રાફ્ટમાં એવો પણ પ્રસ્તાવ છે કે જો કોઈ ખોટું અથવા નકલી PAN વાપરશે તો તેના પર મોટો દંડ (Penalty) લાદવામાં આવશે.

કેશ ટ્રાન્ઝેક્શન લિમિટ અને પ્રોપર્ટી ડીલ
નવા નિયમો હેઠળ કેશ ટ્રાન્ઝેક્શન લિમિટ (Cash Transaction Limit) ને વધુ કડક કરવામાં આવી શકે છે. મોટા રોકડ વ્યવહારો પર હવે સરકારની કડક નજર રહેશે. તે જ સમયે, કોઈપણ મોટી પ્રોપર્ટી ડીલ (Property Deal) માં PAN આપવું ફરજિયાત રહેશે. મિલકતની ખરીદી અને વેચાણ બંને સમયે ખરીદનાર અને વેચનાર બંનેએ PAN ની વિગતો આપવી પડશે, જેથી કાળા નાણાં (Black money) પર રોક લગાવી શકાય.

વાહન ખરીદીના નિયમો અને સામાન્ય જનતા પર અસર
વ્હીકલ પર્ચેઝ રૂલ (Vehicle Purchase Rule) હેઠળ હવે મોંઘી ગાડીઓની ખરીદી પર પણ PAN ફરજિયાત રહેશે. શોરૂમ લેવલ પર જ વાહન ખરીદીની માહિતી આવકવેરા વિભાગ સાથે લિંક કરી શકાય છે. આ તમામ ફેરફારોની સીધી અસર સામાન્ય જનતા, વેપારીઓ અને રોકાણકારો પર પડશે. તેથી, તે જરૂરી છે કે લોકો સમયસર તેમના PAN દસ્તાવેજો અપડેટ (Update) રાખે અને નવા નિયમો અનુસાર જ નાણાકીય વ્યવહાર કરે.