પાકિસ્તાનની શરમજનક હાર, WTC પોઇન્ટ્સ ટેબલમાં સૌથી નીચે પહોંચી ટીમ

Pakistan Test Match | પાકિસ્તાન ક્રિકેટ બોર્ડ (PCB) દ્વારા મોટી આશાઓ સાથે બાબર આઝમ (Babar Azam)ને ફરી એકવાર ટેસ્ટ ટીમ (Test Team)ની કમાન સોંપવામાં આવી હતી. પરંતુ 3 વર્ષ પછી કેપ્ટનશીપ (Captaincy)માં પુનરાગમન કરનારા બાબર આઝમ પણ પાકિસ્તાનની કિસ્મત બદલી શક્યા નથી. બ્રાયન લારા સ્ટેડિયમ (Brian Lara Stadium) ખાતે રમાયેલી પહેલી ટેસ્ટ મેચ (Test Match)ના ચોથા જ દિવસે પાકિસ્તાનને 90 રનથી શરમજનક હારનો સામનો કરવો પડ્યો છે.

રોસ્ટન ચેઝ (Roston Chase)ની આગેવાની હેઠળની વેસ્ટ ઈન્ડિઝ (West Indies) ટીમે પાકિસ્તાનને એકતરફી અંદાજમાં મેચમાંથી બહાર કરી દીધું હતું. 211 રનના ટાર્ગેટ (Target)નો પીછો કરવા ઉતરેલી પાકિસ્તાની ટીમ ચોથા દિવસે બીજી ઇનિંગ્સ (Innings)માં માત્ર 120 રનમાં ઓલઆઉટ (All Out) થઈ ગઈ હતી. વેસ્ટ ઈન્ડિઝના ફાસ્ટ બોલર (Fast Bowler) જેડન સીલ્સ (Jayden Seales) દ્વારા ઘાતક બોલિંગ (Bowling) કરીને 5 વિકેટ (Wickets) ઝડપવામાં આવી હતી.

ચોથા દિવસે વેસ્ટ ઈન્ડિઝે પોતાની બીજી ઇનિંગ્સ 126/7 ના સ્કોરથી આગળ ધપાવી હતી. શમાર જોસેફ (Shamar Joseph) દ્વારા 27 બોલમાં 38 રનની આક્રમક ઇનિંગ્સ રમવામાં આવી હતી. તેણે કેમાર રોચ (Kemar Roach) સાથે મળીને 61 રનની મહત્વપૂર્ણ ભાગીદારી નોંધાવી હતી. મોહમ્મદ અબ્બાસ (Mohammad Abbas) દ્વારા 5 વિકેટ ઝડપીને વેસ્ટ ઈન્ડિઝની બીજી ઇનિંગ્સને 181 રનમાં સમેટી લેવામાં આવી હતી, જેના આધારે વેસ્ટ ઈન્ડિઝે પાકિસ્તાનને જીતવા માટે 211 રનનો લક્ષ્યાંક આપ્યો હતો.

પાકિસ્તાનનું બેટિંગ પ્રદર્શન ફ્લોપ રહ્યું ટાર્ગેટનો પીછો કરવા ઉતરેલી પાકિસ્તાનની શરૂઆત અત્યંત ખરાબ રહી હતી. ઓપનર (Opener) ઇમામ-ઉલ-હક (Imam-ul-Haq) અને અઝાન ઓવૈસ (Azaan Awais) સસ્તામાં પેવેલિયન (Pavilion) ભેગા થઈ ગયા હતા. પહેલી ઇનિંગ્સના સેન્ચુરિયન (Centurion) શાન મસૂદ (Shan Masood)ની આંગળીમાં ફ્રેક્ચર (Fractured finger) હોવાના કારણે તે ઉપરના ક્રમે બેટિંગ કરવા આવી શક્યા ન હતા, જેના કારણે બાબર આઝમ નંબર 3 પર બેટિંગ કરવા ઉતર્યા હતા.

પાકિસ્તાનના ઓલરાઉન્ડર (All-rounder) સલમાન આગા (Salman Agha) 6 બોલ રમીને ખાતું ખોલાવ્યા વિના એલબીડબ્લ્યુ (LBW) આઉટ થઈ ગયા હતા. પહેલી ઇનિંગ્સના હીરો મોહમ્મદ રિઝવાન (Mohammad Rizwan) અને આમિર જમાલ (Aamir Jamal) જસ્ટિન ગ્રીવ્સ (Justin Greaves)નો શિકાર બન્યા હતા.

તૂટેલી આંગળી સાથે મેદાનમાં ઉતર્યા શાન મસૂદ ટીમને મુશ્કેલીમાં જોઈને શાન મસૂદ પોતાની તૂટેલી આંગળી છતાં નંબર 8 પર બેટિંગ કરવા મેદાનમાં આવ્યા હતા. તેમણે બાબર સાથે મળીને ઇનિંગ્સ સંભાળવાનો પ્રયાસ કર્યો હતો, પરંતુ સીલ્સે મસૂદને માત્ર 3 રનના સ્કોર પર આઉટ કરી દીધા હતા. 71 રન સુધી પહોંચતા સુધીમાં પાકિસ્તાનની 9 વિકેટ પડી ચૂકી હતી. એક છેડે ટકી રહેલા બાબર આઝમે 81 બોલમાં પોતાની 32મી ટેસ્ટ ફિફ્ટી (Test Fifty) પૂરી કરી હતી.

તેમણે 11મા નંબરના બેટ્સમેન (Batter) મોહમ્મદ અબ્બાસ (23 રન) સાથે મળીને છેલ્લી વિકેટ માટે 49 રનની ભાગીદારી કરી ટીમને 100 રન પાર પહોંચાડી હતી. જોકે, જેડન સીલ્સે અબ્બાસને એલબીડબ્લ્યુ આઉટ કરીને પાકિસ્તાનની ઇનિંગ્સને 120 રનમાં સમેટી લીધી હતી.

WTC પોઇન્ટ્સ ટેબલમાં પાકિસ્તાન તળિયે જતું રહ્યું આ હાર સાથે જ પાકિસ્તાનની ટેસ્ટ ક્રિકેટમાં સતત 8મી વિદેશી હાર નોંધાઈ છે. આ મેચ પછી પાકિસ્તાન વર્લ્ડ ટેસ્ટ ચેમ્પિયનશિપ (WTC 2025-27) ના પોઇન્ટ્સ ટેબલ (Points Table)માં સૌથી નીચેના સ્થાને ધકેલાઈ ગયું છે, જ્યાં તેમનો જીતનો દર ઘટીને માત્ર 6.67% રહી ગયો છે.