પાકિસ્તાનમાં ગરીબીનો હાહાકાર: 25 કરોડ લોકો ભૂખમરાની ચપેટમાં, ગરીબીનો દર 43.5% એ પહોંચ્યો

Pakistan Economic Crisis | પાકિસ્તાન હાલમાં ઈતિહાસના સૌથી ખરાબ આર્થિક તબક્કામાંથી પસાર થઈ રહ્યું છે. સોશિયલ પોલિસી એન્ડ ડેવલપમેન્ટ સેન્ટર (SPDC) ના તાજેતરના અહેવાલ મુજબ, પાકિસ્તાનમાં ગરીબીનો દર (Poverty Rate) વધીને 43.5% થઈ ગયો છે. આ આંકડો પાકિસ્તાન બ્યુરો ઓફ સ્ટેટિસ્ટિક્સના અગાઉના અંદાજ કરતા 14.6% વધુ છે. અનેક દેશો અને આઈએમએફ (IMF) ના દેવામાં ડૂબેલી શહબાઝ શરીફ (Shehbaz Sharif) સરકાર જનતાને મૂળભૂત સુવિધાઓ આપવામાં નિષ્ફળ રહી છે.

શહેરો અને ગામડાઓમાં ગરીબીની સ્થિતિ: અહેવાલ અનુસાર, પાકિસ્તાનમાં આશરે 25 કરોડ લોકો ગરીબી અને ભૂખમરાનો સામનો કરી રહ્યા છે.

શહેરી વિસ્તારો (Urban Areas): ગરીબીનો દર 32.1% થી વધીને 42.1% થયો છે (10% નો વધારો).

ગ્રામીણ વિસ્તારો (Rural Areas): ગરીબી 39.3% થી વધીને 44.3% થઈ છે.

આવકની અસમાનતા અને મૂળભૂત જરૂરિયાતોનો અભાવ: વર્ષ 2018-19માં રાષ્ટ્રીય ગરીબી દર 36.6% હતો, જે 2024-25માં વધીને 43.5% થયો છે. ગરીબીનો આ આંકડો વ્યક્તિદીઠ જરૂરી લઘુત્તમ કેલરી (Minimum Calories), આરોગ્ય સુવિધાઓ અને સ્વચ્છ પીવાના પાણીની (Clean Drinking Water) ઉપલબ્ધતાના આધારે તૈયાર કરવામાં આવ્યો છે. હોમ ઈન્ટિગ્રેટેડ ઈકોનોમિક સર્વે (HIES) મુજબ, પાકિસ્તાનમાં આવકની અસમાનતા અસહ્ય સ્તરે પહોંચી છે, જ્યાં એક તરફ અતિ શ્રીમંત વર્ગ છે અને બીજી તરફ કરોડો લોકો ભૂખે મરી રહ્યા છે.