જૂની UPI ID ખાલી કરી શકે છે તમારું બેંક એકાઉન્ટ, અત્યારે જ બદલો આ સેટિંગ

UPI Security Tips | આજના સમયમાં નવી UPI ID બનાવવી ખૂબ જ સરળ છે, જેના કારણે લોકો વારંવાર નવી આઈડી બનાવતા રહે છે અને જૂની આઈડી તરફ ધ્યાન આપતા નથી. ખાસ કરીને જ્યારે લોકો વારંવાર પેમેન્ટ એપ્સ (Payment Apps) બદલે છે ત્યારે જૂની આઈડી સક્રિય રહી જાય છે.

સાયબર એક્સપર્ટ્સ (Cyber Experts) ચેતવણી આપે છે કે આવી જૂની આઈડી મોટું નુકસાન કરાવી શકે છે. ઘણા લોકો એવું માને છે કે ફોનમાંથી એપ્લિકેશન ડિલીટ (Delete) કરવાથી તેમા રહેલી આઈડી પણ ડિલીટ થઈ જાય છે, પરંતુ વાસ્તવમાં એવું નથી હોતું.

એપ ડિલીટ કરવાથી માત્ર તમારા ફોનમાંથી તેનો ઇન્ટરફેસ (Interface) હટે છે, જ્યારે બેકગ્રાઉન્ડમાં તમારી UPI ID, લિંક થયેલું બેંક ખાતું અને ઓટો-પે મેન્ડેટ (Auto-pay Mandate) બેંકિંગ સિસ્ટમમાં સક્રિય જ રહે છે. જ્યાં સુધી તમે એપ્લિકેશનમાં જઈને તેને મેન્યુઅલી (Manually) ડીએક્ટિવેટ નહીં કરો, ત્યાં સુધી તે સિસ્ટમમાં ચાલુ રહેશે.

ટેલિકોમ કંપનીઓ એક નિશ્ચિત સમય પછી બંધ થયેલા નંબર અન્ય ગ્રાહકોને વેચી દે છે. જો તમારી જૂની આઈડી તે નંબર સાથે લિંક હશે, તો તે નંબરના નવા માલિકને તમારા બેંકિંગ ટ્રાન્ઝેક્શન (Transactions) અને એલર્ટ્સ મળી શકે છે. ઠગ લોકો આવી સ્થિતિમાં સિમ-સ્વેપ (Sim-swap) દ્વારા તમારા ખાતામાં સેંધ લગાવી શકે છે.

આનાથી બચવા માટે તમે NPCI ની ઓફિશિયલ વેબસાઇટ (Official Website) અથવા તમારા બેંકિંગ એપના UPI સેક્શનમાં જઈને લિંક થયેલી આઈડી ચેક કરી શકો છો. સુરક્ષિત રહેવા માટે બિનજરૂરી એપ્સમાંથી બેંક એકાઉન્ટ ડીલિંક કરી આઈડી હંમેશા માટે ડિલીટ કરો. જો તમે તમારો મોબાઈલ નંબર બદલી રહ્યા હોવ, તો બેંક ખાતામાં પણ નવો નંબર 100% અપડેટ કરાવો.