Aadhaar Card Free Update | દેશના કરોડો આધાર કાર્ડ (Aadhaar Card) ધારકો માટે વિશિષ્ટ ઓળખ સત્તામંડળ (UIDAI) તરફથી રાહતના મોટા સમાચાર આવ્યા છે. સંસ્થાએ આધારમાં મફત દસ્તાવેજો (Documents) ઓનલાઇન અપડેટ કરવાની સમયસીમામાં અધધ.. 1 વર્ષનો મોટો વધારો કરી દીધો છે.
અગાઉ આ સુવિધા 15 જૂન 2026 ના રોજ સમાપ્ત થવાની હતી, પરંતુ હવે સામાન્ય નાગરિકોની સગવડતાને ધ્યાનમાં રાખીને તેને લંબાવીને 14 જૂન 2027 સુધી કરી દેવામાં આવી છે. જો તમે હજુ સુધી જરૂરી દસ્તાવેજો અપડેટ નથી કર્યા, તો તમારી પાસે પૈસા બચાવવાની આ ઉત્તમ તક છે.
આજના સમયમાં આધાર માત્ર એક ઓળખપત્ર નથી, પરંતુ તમામ નાણાકીય અને વહીવટી કાર્યો માટેનો અનિવાર્ય દસ્તાવેજ બની ગયો છે. બેંક ખાતું ખોલાવવું હોય કે નવું સિમ કાર્ડ (Sim Card) ખરીદવું હોય, દરેક જગ્યાએ તેની પ્રાથમિક જરૂરિયાત રહે છે.
નિયમો અનુસાર, જે નાગરિકોના આધાર 10 વર્ષ કે તેથી વધુ સમય પહેલા બન્યા છે અને ક્યારેય અપડેટ થયા નથી, તેમણે પોતાની ઓળખનો પુરાવો (Proof of Identity) અને સરનામાનો પુરાવો (Proof of Address) અપડેટ કરવો ફરજિયાત છે.
નાગરિકોએ ખાસ નોંધ લેવાની જરૂર છે કે ફ્રી અપડેટની આ સુવિધા માત્ર સત્તાવાર પોર્ટલ (Portal) પર જ ઓનલાઇન ઉપલબ્ધ છે. જો કોઈ નાગરિક પોતાના નજીકના ફિઝિકલ આધાર સેવા કેન્દ્ર (Aadhaar Seva Kendra) પર જશે, તો તેણે નિયત સરકારી ફી ચૂકવવી પડશે.
આ ઉપરાંત, જૂની મોબાઈલ એપ્લિકેશન (Application) ‘mAadhaar’ ટૂંક સમયમાં કાયમ માટે બંધ કરી દેવામાં આવશે. તેના સ્થાને યુઝર્સ માટે એક તદ્દન નવું અને અત્યાધુનિક ‘Aadhaar’ એપ લોન્ચ કરવામાં આવ્યું છે, જેમાં સુરક્ષિત QR કોડ અને બહેતર પ્રાઇવસી કંટ્રોલ (Privacy Control) જેવા ક્રાંતિકારી ફીચર્સ મળશે.
ઘરે બેઠા કેવી રીતે કરશો ફ્રી અપડેટ?
1. સૌ પ્રથમ UIDAI ના સત્તાવાર myAadhaar પોર્ટલ પર જાઓ.
2. તમારો આધાર નંબર દાખલ કરો અને રજિસ્ટર્ડ મોબાઈલ પર આવેલા OTPની મદદથી લોગિન કરો.
3. લોગિન થયા પછી સ્ક્રીન પર તમારી પ્રોફાઈલ વિગતો દેખાશે. તેને બરાબર ચકાસી લો.
4. જો વિગતો સાચી હોય, તો વેરિફિકેશન બોક્સ પર ટિક કરીને આગળ વધો.
5. હવે ડ્રોપડાઉન મેનૂમાંથી ઓળખપત્ર અને સરનામાના પુરાવાના દસ્તાવેજો (જેમ કે વોટર આઈડી, પાનકાર્ડ અથવા લાઇટ બિલ) પસંદ કરો.
6. આ દસ્તાવેજોની સોફ્ટ કોપી (JPEG, PNG અથવા PDF ફોર્મેટ, સાઈઝ ૨ MB થી ઓછી) અપલોડ કરીને સબમિટ કરો.
આ ફેરફારો માટે આધાર સેન્ટર જવું જ પડશે
ધ્યાન રાખો કે ઓનલાઈન પોર્ટલ પર માત્ર દસ્તાવેજો જ ફ્રી અપડેટ થાય છે. જો તમારે તમારા બાયોમેટ્રિક ડેટા (જેમ કે ફિંગરપ્રિન્ટ, આઈરિસ સ્કેન કે નવો ફોટો) અપડેટ કરવો હોય, અથવા નામ, જન્મતારીખ, લિંગ કે નવો મોબાઈલ નંબર લિંક કરવો હોય, તો સુરક્ષાના કારણોસર તમારે નજીકના આધાર સેવા કેન્દ્ર પર જ રૂબરૂ જવું પડશે.
Hindu Temple Attack | અમેરિકાના ઇલિનોઇસ રાજ્યના ઓરોરા શહેરમાં આવેલા હિન્દુ મંદિર પર સામૂહિક ગોળીબાર…
Germany Fire | જર્મનીના બોચુમ શહેરમાં રહેણાક ઇમારતમાં લાગેલી આગની દુર્ઘટનામાં કેરળના 3 ભારતીય નાગરિકોનાં…
ઢોલના તાલે રાસ ને ગરબાની રમઝટ ઢોલના તાલે રાસ ને ગરબાની રમઝટ દલાસ મા Dfw…
ઇસ્કોન ભાડજના સંસ્કૃતિ ગુરુકુળ બાળવિભાગ દ્વારા શ્રી કૃષ્ણ હેરિટેજ ફેસ્ટ 2026 અને ગીતા કોન્ટેસ્ટ 2026નું…
શિકાગોના કડવા પાટીદાર સમાજ દ્વારા વાર્ષિક નવરાત્રી ઉત્સવનું ઉત્સાહપૂર્ણ સમાપન 'સનેડો' સાથે કાર્યક્રમની પૂર્ણાહુતિ થઈ…
अमेरिका के शिकागो से एक दिल दहला देने वाली घटना सामने आई है, जहां 31…