​મોરબીના ઘડિયાળ ઉદ્યોગ પર મંદી અને યુદ્ધનો બેવડો માર: ઉત્પાદનમાં કાપ મૂકવાનો એસોસિએશનનો મહત્વનો નિર્ણય

વિશ્વવિખ્યાત મોરબી (Morbi) ના ક્લોક ઉદ્યોગ પર હાલ મંદી અને આંતરરાષ્ટ્રીય યુદ્ધની સ્થિતિની ગંભીર અસર જોવા મળી રહી છે. મોરબી ક્લોક એન્ડ પાર્ટ્સ એસોસિએશનની તાજેતરની બેઠકમાં લેવાયેલા નિર્ણય મુજબ, હવેથી ઉદ્યોગકારો માત્ર એડવાન્સ ઓર્ડર (Advance Order) મુજબ જ ઉત્પાદન કરશે.

પ્લાસ્ટિકના કાચા માલ (Raw Material) ના ભાવમાં થયેલો વધારો અને ડિમાન્ડમાં ઘટાડાને કારણે આ ઉદ્યોગ કટોકટીભર્યા સમયમાંથી પસાર થઈ રહ્યો છે.

આશરે 14,000 મહિલાઓને રોજગારી આપતા આ સેક્ટરમાં શટડાઉન (Shutdown) ટાળવા માટે ઉત્પાદન ઘટાડવાની નીતિ અપનાવવામાં આવી છે. મોરબીની ઘડિયાળ વિશ્વના 180 દેશોમાં નિકાસ થાય છે, પરંતુ હાલ મિડલ ઈસ્ટ (Middle East) માં ચાલી રહેલા યુદ્ધને કારણે નિકાસ પર મોટી અસર પડી છે.

નાના ઉદ્યોગકારોને ટકાવી રાખવા માટે એસોસિએશન દ્વારા આ વ્યુહાત્મક નિર્ણય લેવામાં આવ્યો છે જેથી આર્થિક નુકસાન ઘટાડી શકાય.