અમેરિકાનું શક્તિ પ્રદર્શન: ઈરાન સાથેના તણાવ વચ્ચે ‘ડૂમ્સડે’ મિસાઈલનું પરીક્ષણ, હિરોશિમા કરતા 20 ગણી વધુ વિનાશક

મિડિલ ઈસ્ટ (Middle East) માં ચાલી રહેલા યુદ્ધ અને ઈરાન (Iran) સાથેના વધતા તણાવ વચ્ચે અમેરિકાએ કેલિફોર્નિયાના દરિયાકાંઠે પોતાની અત્યંત શક્તિશાળી ‘ડૂમ્સડે’ (Doomsday) બેલેસ્ટિક મિસાઈલનું સફળ પરીક્ષણ કર્યું છે.

ન્યૂયોર્ક પોસ્ટ (New York Post)ના અહેવાલ મુજબ, કેલિફોર્નિયાના વેન્ડેનબર્ગ સ્પેસ ફોર્સ બેઝ (Vandenberg Space Force Base) પરથી રાત્રે 11 વાગ્યે ‘મિનિટમેન III’ (Minuteman III) બેલેસ્ટિક મિસાઈલ લોન્ચ કરવામાં આવી હતી. આ મિસાઈલ હિરોશિમા (Hiroshima) પર ફેંકવામાં આવેલા પરમાણુ બોમ્બ કરતા 20 ગણી વધુ તાકાત ધરાવતા હથિયાર લઈ જવા માટે સક્ષમ છે.

યુએસ સ્પેસ ફોર્સ (US Space Force) ના જણાવ્યા અનુસાર, ‘GT 254’ તરીકે ઓળખાતા આ નિઃશસ્ત્ર રોકેટે માર્શલ આઈલેન્ડ (Marshall Islands) નજીક તેના લક્ષ્ય પર સચોટ પ્રહાર કર્યો હતો. ગ્લોબલ સ્ટ્રાઈક કમાન્ડે સ્પષ્ટતા કરી છે કે આ પરીક્ષણ મિસાઈલ સિસ્ટમની અસરકારકતા (Effectiveness) અને સચોટતા (Accuracy) ચકાસવા માટે કરવામાં આવ્યું હતું.

મિડિલ ઈસ્ટમાં વધતો જંગનો ખતરો તાજેતરમાં અમેરિકા અને ઈઝરાયેલ (Israel) ના હુમલામાં ઈરાનના સુપ્રીમ લીડર આયાતુલ્લા અલી ખામેનેઈના મૃત્યુ બાદ સમગ્ર મિડિલ ઈસ્ટમાં સ્થિતિ ગંભીર બની છે. હિઝબુલ્લાહ (Hezbollah) અને ઈરાન દ્વારા ઈઝરાયેલ તેમજ અમેરિકી ઠેકાણાઓ પર સતત હુમલા થઈ રહ્યા છે. આ દરમિયાન રાષ્ટ્રપતિ ટ્રમ્પે (President Trump) પણ ઈરાન પર હુમલા તેજ કરવાની ચેતવણી આપી છે.

શું છે મિનિટમેન III (Minuteman III)? મિનિટમેન III એ અમેરિકાની સૌથી જૂની ICBM (Intercontinental Ballistic Missile) છે, જે 1970 ના દાયકાથી સેવામાં છે. આ મિસાઈલ જમીન પરથી લોન્ચ થાય છે અને 13,000 કિલોમીટર (13,000 km) દૂર સુધી માર કરી શકે છે. અમેરિકા પાસે આવી અંદાજે 400 મિસાઈલો છે, જે રશિયા (Russia) અને ચીન (China) જેવા દેશો સામે સુરક્ષા કવચ તરીકે કામ કરે છે.