Mehsana Miten Chaudhary Murder Case | મહેસાણા (Mehsana) નગરપાલિકાની ચૂંટણીના ગરમાવા વચ્ચે ગત 25મી એપ્રિલના રોજ વોર્ડ નંબર 4 ના ભાજપ (BJP) ઉમેદવાર મહેન્દ્ર ચૌધરી (Mahendra Chaudhary) ના ભાણા મિતેન ચૌધરી (Miten Chaudhary)ની હત્યાના કેસમાં પોલીસે કડક કાર્યવાહી હાથ ધરી છે.
આજે મહેસાણા પોલીસે આ કેસના મુખ્ય આરોપી અને કોંગ્રેસ (Congress) ઉમેદવાર નીલાબેન ચૌધરી (Neelaben Chaudhary)ના પતિ ભરત ચૌધરી (Bharat Chaudhary) સહિત તમામ 6 આરોપીઓને સાથે રાખીને તાવડિયા ચોકડી ખાતે ક્રાઇમ રિકન્સ્ટ્રક્શન (Crime Reconstruction) કર્યું હતું.
તપાસ દરમિયાન પોલીસે આરોપીઓને દોરડા બાંધીને ઘટનાસ્થળે ફેરવ્યા હતા. આ સંવેદનશીલ કેસને પગલે LCB, SOG અને એ-ડિવિઝન પોલીસનો લોખંડી બંદોબસ્ત (Security) ગોઠવવામાં આવ્યો હતો.
રિકન્સ્ટ્રક્શન દરમિયાન આરોપીઓએ કઈ રીતે હુમલો કર્યો અને કયા હથિયાર વાપર્યા તેનું પંચોની હાજરીમાં નિરીક્ષણ કરવામાં આવ્યું હતું. આ પ્રક્રિયા દરમિયાન મુખ્ય આરોપી ભરત ચૌધરીએ લોકો સામે હાથ જોડી પસ્તાવો વ્યક્ત કર્યો હતો. ચૂંટણી ટાણે થયેલી આ હત્યાએ સમગ્ર જિલ્લાના રાજકારણમાં ભારે ઉત્તેજના જગાવી છે.
