સ્ટ્રેટ ઓફ હોર્મુઝમાંથી જહાજ નીકળશે તો આગ લગાડી દઈશું, ઈરાનની ખુલ્લી ધમકીથી તેલના ભાવમાં ભડકો

મિડલ ઇસ્ટ (Middle East)માં અમેરિકા-ઇઝરાયેલ-ઈરાન યુદ્ધ (US-Israel-Iran war) વચચ્ચે ચાલી રહેલા ભારે તણાવ વચ્ચે ઈરાનની રિવોલ્યુશનરી ગાર્ડ્સે (Revolutionary Guards) સોમવારે એક ભયાનક જાહેરાત કરી છે. ઈરાને વ્યૂહાત્મક રીતે મહત્વપૂર્ણ ગણાતા હોર્મુઝ સ્ટ્રેટ (Strait of Hormuz) ને તમામ જહાજો માટે બંધ કરી દીધો છે.

ઈરાની સ્ટેટ મીડિયાના રિપોર્ટ અનુસાર, જો કોઈ જહાજ ત્યાંથી પસાર થવાનો પ્રયત્ન કરશે, તો તેને આગ લગાડી દેવામાં આવશે. આ નિર્ણય ઈરાન અને ઈઝરાયેલ-અમેરિકા (Israel-USA) વચ્ચે ચાલી રહેલા યુદ્ધમાં એક અત્યંત જોખમી પગલું માનવામાં આવે છે, જે વૈશ્વિક તેલ વ્યાપાર (Global Oil Trade) ને હચમચાવી શકે છે.

ઈરાનની ઇસ્લામિક રિવોલ્યુશનરી ગાર્ડ કોર્પ્સ (IRGC) ના વરિષ્ઠ સલાહકાર બ્રિગેડિયર જનરલ સરદાર ઈબ્રાહિમ જબારીએ આ જાહેરાત કરતા જણાવ્યું કે, “હોર્મુઝ સ્ટ્રેટ બંધ છે. જો કોઈ પણ જહાજ અહીંથી નીકળવાની હિંમત કરશે, તો અમારા જવાનો તેને સળગાવી દેશે.” આ ચેતવણી એવા સમયે આવી છે જ્યારે તાજેતરમાં અમેરિકા અને ઈઝરાયેલની સંયુક્ત સ્ટ્રાઈકમાં ઈરાનના સુપ્રીમ લીડર આયાતુલ્લા અલી ખામેની (Ayatollah Ali Khamenei) નું મૃત્યુ થયું હતું.

શા માટે મહત્વનું છે હોર્મુઝ સ્ટ્રેટ? હોર્મુઝ સ્ટ્રેટ એ પર્સિયન ગલ્ફ (Persian Gulf) નો એક સાંકડો રસ્તો છે, જ્યાંથી વિશ્વનો લગભગ 20% તેલનો પુરવઠો પસાર થાય છે. સાઉદી અરેબિયા, કુવૈત, ઈરાક, કતાર અને UAE જેવા દેશોનું તેલ અને ગેસ આ રસ્તેથી જ એશિયાના બજારોમાં પહોંચે છે. જો અહીં ટ્રાફિક અટકે છે, તો ક્રૂડ ઓઈલ (Crude Oil) ના ભાવ રોકેટની ગતિએ વધી શકે છે. અગાઉ ફેબ્રુઆરીમાં જ્યારે સામાન્ય લશ્કરી કવાયત થઈ હતી, ત્યારે પણ તેલના ભાવમાં 6% નો વધારો થયો હતો.