નવી કોલેજનું નામ આ દંપતીના નામ પર – અનુરાધા અને વિકાસ સિંહા કોલેજ ઓફ આર્ટિફિશિયલ ઇન્ટેલિજન્સ એન્ડ એડવાન્સ્ડ એનાલિટિક્સ રખાશે.
ભારતીય મૂળના દંપતી અનુરાધા અને વિકાસ સિંહાએ નવી AI અને એડવાન્સ્ડ એનાલિટિક્સ કોલેજની સ્થાપના કરવા માટે યુનિવર્સિટી ઓફ નોર્થ ટેક્સાસને $20 મિલિયનનું દાન આપ્યું છે.
આ કોલેજ એક મુખ્ય શૈક્ષણિક અને સંશોધન કેન્દ્ર તરીકે કાર્યરત થશે. નવી કોલેજનું નામ આ દંપતીના નામ પર – અનુરાધા અને વિકાસ સિંહા કોલેજ ઓફ આર્ટિફિશિયલ ઇન્ટેલિજન્સ એન્ડ એડવાન્સ્ડ એનાલિટિક્સ રખાશે.
કોલેજ એક મુખ્ય શૈક્ષણિક અને સંશોધન કેન્દ્ર તરીકે આર્ટિફિશિયલ ઇન્ટેલિજન્સ, ડેટા એનાલિટિક્સ, સાયબર સુરક્ષા, આરોગ્ય માહિતીશાસ્ત્ર, માહિતી વિજ્ઞાન અને શિક્ષણ તકનીકોમાં કાર્યક્રમો અને સંશોધનને એકસાથે લાવશે.
આ દાન શિષ્યવૃત્તિ, પ્રોફેસરશીપ, કોલેજ નેતૃત્વ, ઉદ્યોગસાહસિકતા અને ઉષ્માભર્યા સંશોધન અને ઉભરતી તકનીકોને ટેકો આપવા માટે છ કાયમી એન્ડોમેન્ટ્સ પણ બનાવશે.
વિકાસ સિંહા, જેમણે 2023 માં યુનિવર્સિટી ઓફ નોર્થ ટેક્ષાસમાંથી ઈન્ફોર્મેશન ટેકનોલોજીમાં ડોક્ટરેટ મેળવ્યું હતું, તેમણે કહ્યું કે આર્ટીફિશિયલ ઈન્ટેલિજન્સ દ્વારા વધુને વધુ આકાર પામતા ભવિષ્ય માટે વિદ્યાર્થીઓને તૈયાર કરવામાં યુનિવર્સિટીઓની મહત્વપૂર્ણ ભૂમિકા છે.
“કૃત્રિમ બુદ્ધિ આપણી પેઢીની પ્રચલિત તકનીકોમાંની એક હશે, અને યુનિવર્સિટીઓએ એવા લોકોને તૈયાર કરવામાં આવશ્યક ભૂમિકા ભજવવાની છે જેઓ તેના ભવિષ્યને આકાર આપશે,” તેમણે ઉમેર્યું કે આ યોગદાન યુએસમાં ઇમિગ્રન્ટ્સ અને વિદ્યાર્થીઓ તરીકેના તેમના પોતાના અનુભવ દ્વારા પણ ઘડાયું છે.
“અમારા માટે, આ ભેટ તે તકને આગળ ધપાવવા અને એ સ્વીકારવા વિશે છે કે ઇમિગ્રન્ટ્સ ફક્ત અમેરિકન સ્વપ્નમાં ભાગ લેતા નથી, તેઓ તેને બનાવવામાં પણ મદદ કરે છે.”
આ દાન નોર્થ ટેક્સાસ યુનિવર્સિટીના ડેટા સાયન્સ કાર્યક્રમો માટે દંપતીના અગાઉના અપાયેલ દાનના ઉપક્રમમાં ઉમેરો કરે છે. 2024 માં, તેઓએ અનુરાધા અને વિકાસ સિંહા ડેટા સાયન્સ વિભાગની સ્થાપના કરવામાં આર્થિક મદદ કરી, ત્યારબાદ 2025 માં ડેટા સાયન્સ માટે સિંહા ઇનોવેશન લેબની રચનામાં પણ મોટો ફાળો આપ્યો.
ભારતમાં શ્રી વેંકટેશ્વર યુનિવર્સિટીમાંથી સિવિલ એન્જિનિયરિંગમાં સ્નાતકની ડિગ્રી પૂર્ણ કર્યા પછી દંપતી અમેરિકા આવ્યા. તેઓએ ફ્લોરિડા એટલાન્ટિક યુનિવર્સિટીમાં સ્નાતકનો અભ્યાસ કર્યો, જ્યારે વિકાસ સિંહાએ ડોક્ટરેટ પૂર્ણ કરતા પહેલા નોર્થવેસ્ટર્ન યુનિવર્સિટીમાં અભ્યાસ કર્યો. તેઓ હવે બ્રોડકોમ ખાતે મેઈનફ્રેમ સોફ્ટવેર ડિવિઝનના ઉપપ્રમુખ છે અને 2023 થી કોલેજ ઓફ ઇન્ફર્મેશન લીડરશીપ બોર્ડમાં સેવા આપી રહ્યા છે.
“શિક્ષણે અમારા જીવનભર અમારા માટે દરવાજા ખોલ્યા છે, અને અમે તે દરવાજા અન્ય લોકો માટે ખુલ્લા રાખવા માંગીએ છીએ,” સિંહાએ કહ્યું.
નવી કોલેજ બે શૈક્ષણિક વિભાગો દ્વારા કાર્યરત થવાની અપેક્ષા છે. એક ઈન્ટેલિજન્સ સિસ્ટમ્સ વિકસાવવા અને સંવર્ધિત કરવા પર ધ્યાન કેન્દ્રિત કરશે, જ્યારે બીજી માનવ અને સંસ્થાકીય સેટિંગ્સમાં ઈન્ફર્મેશન અને ઈન્ટેલિજન્સ સિસ્ટમ્સ કેવી રીતે કાર્ય કરે છે તેની ચકાસણી કરશે.
યુનિવર્સિટી ઓફ નોર્થ ટેક્સાસ એપ્લાઇડ આર્ટિફિશિયલ ઇન્ટેલિજન્સ અને ડેટા સાયન્સ ઇન્સ્ટિટ્યૂટની પણ સ્થાપના કરશે, જે ઉદ્યોગોની ભાગીદારી અને બહારી દાનને પ્રોત્સાહન આપતી વખતે સંશોધન અને શિક્ષણને વિવિધ શાખાઓમાં સંલગ્ન કરવા માટે રચાયેલ છે.
યુનિવર્સિટીના પ્રમુખ હેરિસન કેલરે જણાવ્યું હતું કે કોલેજ ટેકનોલોજી, રોજગાર અને સંશોધનમાં ઝડપી ફેરફારોને અનુકૂલન કરવાની યુનિવર્સિટીની વ્યાપક વ્યૂહરચનાને સમર્થન આપે છે. યુનિવર્સિટી આ વર્ષના અંતમાં નવી કોલેજના નામકરણ માટે ઉજવણી કરવાનું આયોજન કરશે.
1890માં જોશુઆ સી. ચિલ્ટન દ્વારા ટેક્સાસ નોર્મલ કોલેજ અને ટીચર ટ્રેનિંગ ઇન્સ્ટિટ્યૂટ તરીકે સ્થાપિત, યુનિવર્સિટી ઓફ નોર્થ ટેક્સાસ ડાઉનટાઉન ડેન્ટન હાર્ડવેર સ્ટોરની ઉપર આવેલી એક સામાન્ય ખાનગી સંસ્થામાંથી અમેરિકાની સૌથી મોટી જાહેર સંશોધન યુનિવર્સિટીઓમાંની એક બની ગઈ છે.
(-કૌશિક અમીન, યુએસએ)
