Ethanol Blending India | દેશમાં ડીઝલ અને પેટ્રોલની આયાત (Import) પરની નિર્ભરતા ઘટાડવા માટે સરકાર ઇથેનોલ બ્લેન્ડિંગ (Ethanol Blending) ને મોટા પાયે પ્રોત્સાહન આપી રહી છે.
આ દિશામાં એક મોટું કદમ ઉઠાવતા સરકારે ઇથેનોલ બનાવતી ડિસ્ટિલરીઓ (Distilleries) ને કાચો માલ (Raw Material) પૂરો પાડવા માટે માસ્ટર પ્લાન તૈયાર કર્યો છે.
ખાદ્ય મંત્રાલયે સપ્લાય વર્ષ 2026-27 (Supply Year 2026-27) માટે ભારતીય ખાદ્ય નિગમ (Food Corporation of India – FCI) ના સત્તાવાર સ્ટોકમાંથી 72 લાખ ટન ચોખા અનામત રાખ્યા છે.
આ અગાઉના સપ્લાય વર્ષ 2025-26 માં ફાળવવામાં આવેલા 52 લાખ ટન ચોખા કરતાં વધુ છે. આ ઉપરાંત, મંત્રાલયે ઇ-હરાજી (E-Auction) દ્વારા વેચવા માટે 55 લાખ ટન ટુકડા ચોખા (Broken Rice) ને પણ મંજૂરી આપી છે.
ડિસ્ટિલરીઓને આ ચોખા 2,390 રૂપિયા પ્રતિ ક્વિન્ટલ (Per Quintal) ના દરે વેચવામાં આવશે. સરકારના આ નિર્ણયથી દેશમાં બાયોફ્યુઅલ (Biofuel) ના ઉત્પાદનને વેગ મળશે.
હાલમાં તેલ માર્કેટિંગ કંપનીઓ (Oil Marketing Companies) માટે એફસીઆઈ (FCI) ના ચોખામાંથી બનેલા ઇથેનોલને 58.5 રૂપિયા પ્રતિ લીટરના દરે ખરીદવું ફરજિયાત છે, જ્યારે ટુકડા ચોખામાંથી બનેલા ઇથેનોલની ખરીદી કિંમત 64 રૂપિયા પ્રતિ લીટર છે.
હાલમાં પેટ્રોલ અને ડીઝલમાં 20 ટકા ઇથેનોલ મિશ્રણના લક્ષ્યને સંતોષવા માટે દર વર્ષે 1,050થી 1,100 કરોડ લીટર ઇથેનોલની જરૂર પડે છે. ઓછો વરસાદ થવાના કારણે શેરડી (Sugarcane) અને મકાઈ (Maize) ના ઉત્પાદનમાં ઘટાડો થાય તો પણ ચોખાનો આ સ્ટોક ઇથેનોલનો સતત પુરવઠો સુનિશ્ચિત કરશે.
