JACS Au Advisory Board | અમેરિકન કેમિકલ સોસાયટી (American Chemical Society) ના ગોલ્ડ ઓપન-એક્સેસ જર્નલ JACS Au દ્વારા પોતાના છઠ્ઠા અર્લી કેરિયર એડવાઇઝરી બોર્ડ (Early Career Advisory Board – ECAB) ની જાહેરાત કરવામાં આવી છે.
2026 માટેના આ બોર્ડમાં વિશ્વભરની અગ્રણી સંસ્થાઓના 25 સંશોધકોની પસંદગી કરવામાં આવી છે, જેમાં ભારત માટે ગૌરવરૂપ બે ભારતીય સંશોધકોનો પણ સમાવેશ થાય છે.
આ બોર્ડમાં આઇઆઇટી રોપર (IIT Ropar) ના સંશોધક અસલમ શેખ (Aslam Shaikh) અને આઇઆઇટી બોમ્બે (IIT Bombay) સાથે જોડાયેલા શ્રીનિવાસન રામક્રિષ્નન (Srinivasan Ramakrishnan) નો સમાવેશ કરાયો છે. અસલમ શેખે X (ટ્વિટર) પર પોસ્ટ કરીને આ નિમણૂક બદલ આનંદ વ્યક્ત કર્યો હતો અને ચીફ એડિટર ક્રિસ્ટોફર જોન્સનો (Christopher Jones) આભાર માન્યો હતો.
બીજી તરફ, શ્રીનિવાસન રામક્રિષ્નન એક જાણીતા કન્ડેન્સ્ડ મેટર ફિઝિસ્ટ (Condensed Matter Physicist) છે, જેઓ અલ્ટ્રા-લો ટેમ્પરેચર ફિઝિક્સ (Ultra-Low Temperature Physics) માં નિષ્ણાત છે.
તેઓ ટાટા ઇન્સ્ટિટ્યૂટ ઓફ ફંડામેન્ટલ રિસર્ચ (TIFR) ના ડિરેક્ટર અને ડિસ્ટિંગ્વિશ્ડ પ્રોફેસર રહી ચૂક્યા છે અને હાલમાં IISER પુણે ખાતે સેવા આપી રહ્યા છે. JACS Au બોર્ડમાં તેમની યાદી IIT બોમ્બે સાથે દર્શાવવામાં આવી છે.
દર વર્ષે ગઠિત કરવામાં આવતા આ એડવાઇઝરી બોર્ડ (ECAB) માં સામાન્ય રીતે એવા વૈજ્ઞાનિકોની પસંદગી કરવામાં આવે છે જેમણે 3 થી 10 વર્ષ પહેલાં પોતાની PhD પૂર્ણ કરી હોય અને વૈજ્ઞાનિક પ્રકાશનોમાં સક્રિય યોગદાન આપી રહ્યા હોય. 2026 ના આ બોર્ડમાં 2025 માંથી 5 સભ્યોને યથાવત રાખવામાં આવ્યા છે, જ્યારે 20 નવા સભ્યો ઉમેરાયા છે.
આ બોર્ડના સભ્યો જર્નલને રસાયણશાસ્ત્ર (Chemistry) અને સંબંધિત ક્ષેત્રોમાં નવા ઉભરતા સંશોધન ક્ષેત્રો અને ટ્રેન્ડ્સ ઓળખવામાં મદદ કરે છે. આ ઉપરાંત, તેઓ સંશોધન પત્રોની સમીક્ષા (Review) કરે છે અને ઉત્કૃષ્ટ પેપર્સને “ECAB Selects” એવોર્ડ માટે નામાંકિત કરે છે. જર્નલે નવા નિમાયેલા તમામ વૈજ્ઞાનિકોને અભિનંદન પાઠવ્યા છે.
Uttarakhand Car Accident | ઉત્તરાખંડના ઉત્તરકાશીમાં ગંગોત્રી નેશનલ હાઈવે પર ગુરુવારે વહેલી સવારે ગમખ્વાર માર્ગ અકસ્માત…
મુખ્યમંત્રી શ્રી ભૂપેન્દ્ર પટેલે અમદાવાદમાં પૂજ્ય જગદ્ગુરુ શંકરાચાર્ય શ્રી શંકર વિજયેન્દ્ર સરસ્વતીના દર્શન કરી આશીર્વાદ…
મુખ્યમંત્રીશ્રી ભૂપેન્દ્ર પટેલના નેતૃત્વમાં ‘નિકાસ પ્રક્રિયા’ને સંસ્થાકીય મજબૂતી આપવાની દિશામાં ઐતિહાસિક નિર્ણય ----- ગુજરાત સરકારે…
पश्चिम रेલ્વે ૫ નવેમ્બર, ૨૦૨૬ના રોજ તેનો ૭૬મો સ્થાપના દિવસ ઉજવી રહી છે पश्चिम रेલ્વે…
અમદાવાદ મંડળે દીવાળી અને છઠ પૂજા દરમિયાન યાત્રીઓની સુવિધા અને સુરક્ષિત યાત્રા માટે કરી વ્યાપક…
એકતાનગર ખાતે ‘ભારત પર્વ 2026’માં ‘એક ભારત શ્રેષ્ઠ ભારત’ની ભાવનાની ભવ્ય ઉજવણી; પ્રથમ ત્રણ દિવસમાં…