હોટલના સામાન્ય વેઈટરે બનાવી 18 બિલિયન ડોલરની બ્રાન્ડ: વાંચો Gucci ના સંઘર્ષની કહાની

Gucci… આ નામ સાંભળતા જ મગજમાં મોંઘી બેગ્સ (Bags), લક્ઝરી લાઈફસ્ટાઈલ (Luxury Lifestyle) અને અમીરીની ચમક દેખાવા લાગે છે. આજે તે વિશ્વની ટોપ ફેશન બ્રાન્ડ (Fashion Brand) બની ગઈ છે, પરંતુ શું તમે ક્યારેય વિચાર્યું છે કે આ બ્રાન્ડની શરૂઆત કેવી રીતે થઈ?

આ આંતરરાષ્ટ્રીય બ્રાન્ડનો પાયો એક એવા વ્યક્તિએ નાખ્યો હતો જેણે પોતાની જિંદગીનો મોટો હિસ્સો અત્યંત ગરીબીમાં વિતાવ્યો હતો. આવો જાણીએ Guccio Gucci ની સફર:

સંઘર્ષ અને લંડન પ્રયાણ
26 March, 1881 ના રોજ ઈટાલીના ફ્લોરેન્સ (Florence) શહેરમાં જન્મેલા ગુચિયો ગુચીની વાર્તા માત્ર બિઝનેસની જ નહીં પણ અતૂટ જુસ્સાની છે. આર્થિક તંગીને કારણે તેઓ સારી જિંદગીની શોધમાં લંડન (London) ગયા હતા.

હોટલ પોર્ટર (Porter) થી મળી પ્રેરણા
લંડનમાં 1899 માં તેમણે એક પ્રખ્યાત હોટલમાં સામાન ઉંચકવાનું કામ શરૂ કર્યું. આ આલીશાન હોટલમાં દુનિયાભરના અમીર લોકો અને રાજવી પરિવારો આવતા હતા. અમીરોની લાઈફસ્ટાઈલ અને તેમની મોંઘી બેગ્સ જોઈને ગુચિયોને વિચાર આવ્યો કે તેઓ પણ એક એવી પ્રીમિયમ બ્રાન્ડ (Premium Brand) બનાવશે જે એલીટ ક્લાસની ઓળખ બને.

1921 માં શરૂ થઈ ‘Gucci’
અનુભવ મેળવ્યા બાદ તેઓ પરત ફ્લોરેન્સ આવ્યા અને પોતાની બચતથી વર્ષ 1921 માં ‘Gucci’ ની શરૂઆત કરી. તેમણે લેધર બેગ્સ (Leather Bags) અને ઘોડેસવારીના સામાનથી બિઝનેસ વધાર્યો. બીજા વિશ્વયુદ્ધ (World War 2) દરમિયાન લેધરની અછત સર્જાઈ ત્યારે તેમણે હાર માનવાને બદલે કેનવાસ અને વાંસ (Bamboo) માંથી બેગ્સ બનાવી, જે આજે Bamboo Bag તરીકે વર્લ્ડ ફેમસ છે.

2 January, 1953 ના રોજ ગુચિયોનું અવસાન થયું, પરંતુ એક સામાન્ય હોટલ વર્કરમાંથી ફેશન કિંગ બનવાની તેમની સફર આજે પણ કરોડો લોકોને પ્રેરણા આપે છે.