ઈરાનના સસ્તા ડ્રોને અમેરિકાના F-15 ફાઈટર જેટને આપી ચકમો: એરબિલમાં બ્રિટિશ ઓઈલ પ્લાન્ટ પર ડ્રોન હુમલાનો વીડિયો વાયરલ

મિડલ ઈસ્ટમાં (Middle East) વધી રહેલા તણાવ વચ્ચે સોશિયલ મીડિયા પર એક ચોંકાવનારો વીડિયો વાયરલ (Viral Video) થઈ રહ્યો છે. આ વીડિયોમાં અમેરિકન લડાકુ વિમાન F-15 (Fighter Jet) ઈરાની ડ્રોનનો પીછો કરતું જોવા મળે છે. જોકે, દાવો કરવામાં આવી રહ્યો છે કે અમેરિકાનું અત્યંત આધુનિક જેટ ઈરાનના સસ્તા ગણાતા શાહેદ ડ્રોનને (Shahed Drone) રોકવામાં નિષ્ફળ રહ્યું છે.

ઈરાક પર થયો મોટો ડ્રોન હુમલો આ ઘટના ઈરાકના એરબિલ (Erbil) શહેરમાં બની હોવાનું કહેવાય છે, જ્યાં એક બ્રિટિશ કંપનીના મોટર ઓઈલ પ્લાન્ટ (Oil Plant) પર હુમલો કરવામાં આવ્યો હતો. અહેવાલો અનુસાર, સવારના સમયે ત્રણ અલગ-અલગ ડ્રોન દ્વારા આ પ્લાન્ટને નિશાન બનાવવામાં આવ્યો હતો, જેના કારણે ત્યાં ભીષણ આગ ફાટી નીકળી હતી. આ પ્લાન્ટ બ્રિટિશ બ્રાન્ડનો (British Brand) હતો અને તેને સરદાર ગ્રુપ દ્વારા સંચાલિત કરવામાં આવતો હતો.

ઈરાન અને બ્રિટન વચ્ચે વધતો ગજગ્રાહ આ હુમલો એવા સમયે થયો છે જ્યારે ઈરાને (Iran) અગાઉ બ્રિટિશ ઠેકાણાઓ પર હુમલો કરવાની શક્યતા વ્યક્ત કરી હતી. ઈરાનના વરિષ્ઠ રાજદ્વારીઓએ સંકેત આપ્યા હતા કે તેહરાન આ દિશામાં વિચારી રહ્યું છે. જોકે, હજુ સુધી અમેરિકા (USA) કે તેના સહયોગી દેશોએ આ વીડિયો કે ઘટનાની સત્તાવાર પુષ્ટિ કરી નથી, પરંતુ સોશિયલ મીડિયા પર આ વીડિયોએ નવી ચર્ચા જગાવી છે.

ઈરાકમાં યુદ્ધ જેવી સ્થિતિ ઈરાક લાંબા સમયથી અમેરિકા અને ઈરાન વચ્ચે સંતુલન જાળવવાનો પ્રયાસ કરી રહ્યું છે, પરંતુ ફેબ્રુઆરી 2026 ના અંતથી શરૂ થયેલા આ સંઘર્ષે સ્થિતિ વણસાવી છે. ઈરાકમાં અમેરિકી ઠેકાણાઓ અને ઈરાન સમર્થિત જૂથો પર સતત હુમલા થઈ રહ્યા છે. લોકપ્રિય મોબિલાઇઝેશન ફોર્સ (PMF) ના ઠેકાણાઓ પર પણ હુમલા થયા છે, જેનો આરોપ અમેરિકા અને ઈઝરાયલ (Israel) પર મૂકવામાં આવ્યો છે. આ સંઘર્ષ હવે અનેક મોરચે ફેલાઈ ચૂક્યો છે.