અમેરિકાના લોસ એન્જલસ ઇન્ટરનેશનલ એરપોર્ટ (Los Angeles International Airport) પરથી એક 44 વર્ષીય ઈરાની મૂળની મહિલા શમીમ માફીની ગંભીર આરોપો હેઠળ ધરપકડ કરવામાં આવી છે.
વર્ષ 2016 થી અમેરિકામાં ગ્રીન કાર્ડ હોલ્ડર (Green Card Holder) તરીકે રહેતી આ મહિલા પર ઈરાન અને સુદાન વચ્ચે ગેરકાયદેસર રીતે હથિયારોની તસ્કરી (Arms Trafficking) અને દલાલી કરવાનો આરોપ છે.
સરકારી વકીલોના જણાવ્યા અનુસાર, શમીમ માફી ઈરાન સરકાર વતી ડ્રોન, બોમ્બ અને લાખો રાઉન્ડ દારૂગોળાના વેચાણમાં મધ્યસ્થી તરીકે કામ કરી રહી હતી, જે અંતર્ગત તેને ફેડરલ કોર્ટમાં રજૂ કરવામાં આવશે.
તપાસ દરમિયાન સામે આવ્યું છે કે આ હથિયાર સોદામાં ઈરાની સંરક્ષણ મંત્રાલય દ્વારા ઉત્પાદિત મોહાજર-6 (Mohajer-6) સશસ્ત્ર ડ્રોન માટે 70 મિલિયન ડોલર (70 Million Dollars) થી વધુનો કોન્ટ્રાક્ટ સામેલ હતો.
ફેડરલ એજન્સીઓનો દાવો છે કે શમીમ ઈરાની ગુપ્તચર મંત્રાલય સાથે સીધા સંપર્કમાં હતી અને હથિયારોના ભંડોળની હેરફેર માટે તેણે ઓમાન (Oman) ની એક શેલ કંપનીનો ઉપયોગ કર્યો હતો.
આ મહિલાની ધરપકડ ત્યારે કરવામાં આવી જ્યારે તે લોસ એન્જલસથી તુર્કી (Turkey) જતી ફ્લાઈટ પકડવાની તૈયારીમાં હતી. જો આ મામલે તેના પરના ગુના સાબિત થશે, તો તેને ફેડરલ જેલમાં 20 વર્ષ (20 Years) સુધીની કેદની સજા થઈ શકે છે.
