Google Year in Search 2025: ભારતમાં આ વર્ષે શું સર્ચ થયું?

Google Year in Search 2025: ગૂગલે ગુરુવારે વર્ષ 2025નો સર્ચ રિપોર્ટ જાહેર કર્યો છે. આ વર્ષે ભારતીય યુઝર્સે IPL થી લઈને મહાકુંભ સુધીની વિગતો વિશે ગૂગલ પર સૌથી વધુ સર્ચ કર્યું છે. IPL પછી ગૂગલ જેમિની (Google Gemini) બીજા સ્થાને છે. ગૂગલે ટ્રેન્ડિંગ સર્ચનું ‘A થી Z’ લિસ્ટ પણ રજૂ કર્યું છે, જેમાં મૂળાક્ષરનો દરેક અક્ષર એક અલગ લોકપ્રિય ક્વેરી (પ્રશ્ન) દર્શાવે છે. ચાલો જાણીએ આ વર્ષે શું-શું સર્ચ થયું…

ભારતમાં 2025ની ટોપ ટ્રેન્ડિંગ સર્ચ

1. આઈપીએલ (IPL)

2. ગૂગલ જેમિની (Google Gemini)

3. એશિયા કપ

4. આઈસીસી ચેમ્પિયન્સ ટ્રોફી

5. પ્રો કબડ્ડી લીગ

6. મહાકુંભ

7. મહિલા વિશ્વ કપ

8. ગ્રોક (Grok)

9. સૈયારા

10. ધર્મેન્દ્ર

વધુ વિગતો: ગૂગલના જણાવ્યા અનુસાર, ભારતમાં સૌથી વધુ સર્ચ કરવામાં આવેલો શબ્દ ‘ઇન્ડિયન પ્રીમિયર લીગ’ (IPL) હતો. બીજા ક્રમે ગૂગલ જેમિની, ત્રીજા સ્થાને એશિયા કપ, ચોથા સ્થાને ICC ચેમ્પિયન્સ ટ્રોફી, પાંચમા સ્થાને પ્રો કબડ્ડી લીગ, છઠ્ઠા સ્થાને મહાકુંભ, સાતમા સ્થાને મહિલા વિશ્વ કપ, આઠમા સ્થાને ગ્રોક, નવમા સ્થાને સૈયારા અને દસમા સ્થાને ધર્મેન્દ્ર રહ્યા હતા.

AI કેટેગરીમાં ગૂગલ જેમિની સૌથી લોકપ્રિય

ગૂગલે AI (આર્ટિફિશિયલ ઇન્ટેલિજન્સ) થી જોડાયેલ સૌથી વધુ ટ્રેન્ડિંગ સર્ચની યાદી પણ જાહેર કરી છે:

• ગૂગલ જેમિની પ્રથમ સ્થાને રહ્યું.

• ત્યારબાદ જેમિની AI ફોટો બીજા ક્રમે.

• GROK (ગ્રોક) ત્રીજા, ડીપસીક ચોથા અને પર્પ્લેક્સિટી પાંચમા ક્રમે રહ્યા.

• છઠ્ઠા સ્થાને ગૂગલ AI સ્ટુડિયો, સાતમા ક્રમે ChatGPT, આઠમા ક્રમે ChatGPT ઘિબલી આર્ટ, નવમા ક્રમે ફ્લો અને દસમા સ્થાને ઘિબલી સ્ટાઇલ ઇમેજ જનરેટર રહ્યું.

ભારતમાં ટોચના ટ્રેન્ડ્સમાં જેમિની ટ્રેન્ડ પ્રથમ સ્થાને, ઘિબલી ટ્રેન્ડ બીજા સ્થાને, 3D મોડલ ટ્રેન્ડ ત્રીજા સ્થાને, જેમિની સાડી ટ્રેન્ડ ચોથા સ્થાને અને એક્શન ફિગર ટ્રેન્ડ પાંચમા સ્થાને રહ્યો હતો.