Gabriel Langton | કોમનવેલ્થ ગેમ્સ 2026 (Commonwealth Games 2026) ના ટ્રાયલ્સ (Trials) દરમિયાન ઈંગ્લેન્ડના 18 વર્ષીય યુવા જિમનાસ્ટ (Gymnast) ગેબ્રિયલ લેંગટન (Gabriel Langton) સાથે એક ભયાનક દુર્ઘટના ઘટી હતી. રિંગ્સ ઈવેન્ટ (Rings Event) માં પરફોર્મ (Perform) કરતી વખતે ગેબ્રિયલ અચાનક સંતુલન ગુમાવી બેઠા હતા અને ઊંધા માથે નીચે મેટ (Mat) પર પટકાયા હતા.
આ ભયાનક અકસ્માતમાં તેમની પીઠ (Back) અને ગરદન (Neck) ના ભાગે ગંભીર ઈજા પહોંચી હતી. દુર્ઘટના સર્જાતા જ ઈમરજન્સી મેડિકલ ટીમ (Emergency Medical Team) તુરંત મેદાન પર પહોંચી ગઈ હતી અને તેમને પ્રાથમિક સારવાર આપી હોસ્પિટલ (Hospital) ખસેડવામાં આવ્યા હતા. આ ઘટનાના વીડિયો સોશિયલ મીડિયા (Social Media) પર ઝડપથી વાયરલ (Viral) થઈ રહ્યા છે, જેને જોઈને રમતપ્રેમીઓ સ્તબ્ધ થઈ ગયા છે.
ઈંગ્લેન્ડ જિમનાસ્ટિક્સ (England Gymnastics) એ એક સત્તાવાર નિવેદન જારી કરીને જણાવ્યું હતું કે ગેબ્રિયલની સ્થિતિ હાલ સ્થિર છે અને ડાક્ટરોની ટીમ તેમની સતત દેખરેખ રાખી રહી છે. આ ઈજાના કારણે તેઓ આગામી રમત સ્પર્ધાઓમાંથી બહાર થઈ શકે છે.
