સ્ત્રીઓમાં ઉધરસ કે છીંક આવતા યુરિન લીક થઇ જાય છે? જાણો કારણો અને ઉપાય

Urinary Incontinence in Women | સ્ત્રીઓમાં સ્વાસ્થ્યને લગતી અનેક સમસ્યાઓ જોવા મળે છે, જેમાં ખાંસી (Coughing) કે છીંક (Sneezing) આવતી વખતે પેશાબ લીક થવો એ એક સામાન્ય પણ મૂંઝવતી સમસ્યા છે. આ સ્થિતિમાં મહિલાઓ ઈચ્છવા છતાં પેશાબ પર કાબૂ રાખી શકતી નથી, જેના કારણે તેમને શરમ અનુભવાય છે.

ગાયનેકોલોજિસ્ટ (Gynecologist) ડો. શૈફાલી દધીચિએ આ સમસ્યા પર પ્રકાશ પાડતા જણાવ્યું છે કે 40 વર્ષની ઉંમર પછી મહિલાઓમાં આ સમસ્યા વધવાનું મુખ્ય કારણ પેલ્વિક મસલ્સ (Pelvic Muscles) નબળા પડવાનું છે.

સ્ત્રીઓમાં પેશાબ લીક થવાના મુખ્ય કારણો (Causes of Urinary Leakage)

નિષ્ણાતોના જણાવ્યા અનુસાર, આ સમસ્યા પાછળ નીચે મુજબના કારણો હોઈ શકે છે:

પેલ્વિક મસલ્સની નબળાઈ: ઉંમર વધવાની સાથે પેલ્વિક એરિયાના સ્નાયુઓ ધીમે ધીમે નબળા પડે છે. આ સ્નાયુઓ ગર્ભાશય (Uterus), મૂત્રાશય (Bladder) અને મળાશયને સપોર્ટ આપે છે. જ્યારે આ સપોર્ટ નબળો પડે છે, ત્યારે અંગો પોતાની જગ્યાએથી ખસવા લાગે છે અને દબાણ આવતા પેશાબ લીક થાય છે.

વારંવાર ડિલિવરી: જો કોઈ મહિલાએ વધુ બાળકોને જન્મ આપ્યો હોય, તો દરેક ડિલિવરી (Delivery) સાથે તેના સ્નાયુઓ વધુ ઢીલા અને નબળા થતા જાય છે.

અસુરક્ષિત ડિલિવરી: જો ડિલિવરી હોસ્પિટલના બદલે ઘરે થઈ હોય અથવા લાંબી અને મુશ્કેલ રહી હોય, તો ગર્ભાશયના સ્નાયુઓ પર તેની વિપરીત અસર પડે છે. યોગ્ય ટાંકા કે ચીરા વગરની ડિલિવરી પણ ભવિષ્યમાં યુરિન લીકેજની સમસ્યા નોંતરી શકે છે.

આ સમસ્યાના ઉપાયો (Solutions & Prevention)

જો તમે પણ આ સમસ્યાનો સામનો કરી રહ્યા હોવ, તો ડોક્ટર આ બાબતો પર ધ્યાન આપવાની સલાહ આપે છે:

કીગલ એક્સરસાઇઝ (Kegel Exercises): પેલ્વિક ફ્લોરના સ્નાયુઓને મજબૂત કરવા માટે આ સૌથી અસરકારક કસરત છે.

યોગ્ય પોષણ (Nutrition): આહારમાં પ્રોટીન (Protein) નું પ્રમાણ વધારો.

સપ્લીમેન્ટ્સ: ડોક્ટરની સલાહ મુજબ મલ્ટિવિટામિન અને કેલ્શિયમ (Calcium) ની ગોળીઓ લેવી જોઈએ.

તબીબી સલાહ: જો સમસ્યા ગંભીર હોય, તો સર્જરી (Surgery) કરાવતા અચકાવું જોઈએ નહીં. ગર્ભાશયની તપાસ અને યોગ્ય સારવારથી આ સ્થિતિ સંપૂર્ણપણે સુધારી શકાય છે.

ડિસ્ક્લેમર: આ માહિતી સોશિયલ મીડિયા પર ઉપલબ્ધ એક્સપર્ટના મંતવ્યો પર આધારિત છે. કોઈપણ સારવાર કે કસરત શરૂ કરતા પહેલા હંમેશા તમારા ડોક્ટરની સલાહ લો.