Canada Immigration Rules Changes | કેનેડા સરકારે જુલાઈ 2026 માં ઇમિગ્રેશન પોલિસી (Immigration Policy) માં મોટા ફેરફારો કરવાની જાહેરાત કરી છે. આ નવા નિયમોની સીધી અસર હજારો ભારતીય વિદ્યાર્થીઓ, કુશળ કામદારો (Skilled Workers) અને પરમેનન્ટ રેસિડન્સી (PR) ની આશા રાખતા અરજદારો પર પડશે.
કેટલાક નિયમો આ મહિનાથી જ લાગુ થઈ ગયા છે, જ્યારે કેટલાક માટે એપ્લિકેશન વિન્ડો અને પબ્લિક કન્સલ્ટેશન (Public Consultation) શરૂ કરવામાં આવ્યું છે.
કેનેડામાં અભ્યાસ અને સ્થાયી થવા માટે ભારત હંમેશાથી સૌથી મોટો સ્ત્રોત દેશ રહ્યો છે, તેથી વર્ક પરમિટ (Work Permit), સ્ટડી પરમિટ અને પ્રોવિન્શિયલ નોમિની પ્રોગ્રામ્સ (PNP) માં થતા ફેરફારો ભારતીયો માટે ખૂબ જ મહત્વપૂર્ણ છે.
ઇમિગ્રેશન કન્સલ્ટન્ટ્સ માટે 15 જુલાઈથી નવો કાયદો
સૌથી મોટો ફેરફાર 15 જુલાઈથી અમલમાં આવી રહ્યો છે, જે લાઇસન્સ પ્રાપ્ત ઇમિગ્રેશન કન્સલ્ટન્ટ્સ (Immigration Consultants) ના નિયમન સાથે સંબંધિત છે. Immigration News Canada ના અહેવાલ મુજબ, ઇમિગ્રેશન, રેફ્યુજીસ એન્ડ સિટીઝનશિપ કેનેડા (IRCC) દ્વારા કોલેજ ઓફ ઇમિગ્રેશન એન્ડ સિટીઝનશિપ કન્સલ્ટન્ટ્સ (CICC) ની દેખરેખ મજબૂત કરવા માટે આ પગલું લેવાયું છે.
જો કોઈ કન્સલ્ટન્ટ નવેમ્બર 2021 પછી અપ્રમાણિક વર્તણૂક કે છેતરપિંડીમાં દોષિત જણાશે, તો તેની સામે કડક શિસ્તભંગના પગલાં લેવામાં આવશે અને તેણે ભોગ બનેલા ક્લાયન્ટ્સને આર્થિક વળતર (Compensation) પણ ચૂકવવું પડશે. એપ્રિલ 2027 થી ગ્રાહકોની પારદર્શિતા માટે કન્સલ્ટન્ટ્સની વધુ વિગતો સાર્વજનિક રજીસ્ટર પર ઉપલબ્ધ કરાશે. તેથી વિઝા મેળવતા પહેલાં કન્સલ્ટન્ટ લાઇસન્સ ધરાવે છે કે નહીં તેની ખાતરી કરવી જરૂરી છે.
એસાયલમ (શરણાર્થી) સુધારા માટે 20 જુલાઈ સુધીનો સમય
કેનેડા સરકારે દેશની એસાયલમ પ્રોસેસ (Asylum Process) માં સુધારા કરવા માટે પબ્લિક કન્સલ્ટેશન ઓપન કર્યું છે, જેમાં 20 જુલાઈ સુધી સૂચનો સ્વીકારવામાં આવશે. નવા પ્રસ્તાવિત નિયમો હેઠળ, શરણાર્થીઓએ 60 દિવસની અંદર આઈડી પ્રૂફ, ડિક્લેરેશન અને બેસિસ ઓફ ક્લેમ (BOC) ફોર્મ સહિતની સંપૂર્ણ અરજી સબમિટ કરવી પડશે.
વધુમાં, પાત્ર શરણાર્થીઓને IRB રેફરલ પ્રોસેસની રાહ જોયા વિના, ક્લેમ સ્વીકારાતાની સાથે જ ઓપન વર્ક પરમિટ (Open Work Permit) મળી શકશે. સાથે જ IRB એ સપોર્ટિંગ ડોક્યુમેન્ટ્સ સબમિટ કરવાની સમયમર્યાદા પણ સુધારીને રેફરલના 30 દિવસની અંદરની કરી દીધી છે.
ઇન્ટરનેશનલ સ્ટુડન્ટ્સ માટેની ગાઇડલાઇન
જે આંતરરાષ્ટ્રીય વિદ્યાર્થીઓ (International Students) કેનેડામાં પોતાની કોલેજ કે યુનિવર્સિટી એટલે કે ડેઝિગ્નેટેડ લર્નિંગ ઇન્સ્ટિટ્યુશન (DLI) બદલવા માંગે છે, તેમના માટે IRCC એ નિયમો અપડેટ કર્યા છે. સંસ્થા બદલતી વખતે વિદ્યાર્થીઓએ સ્ટડી પરમિટ એક્સટેન્શન (Study Permit Extension) માટે અરજી કરવી પડશે અને પરિસ્થિતિ મુજબ નવો પ્રોવિન્શિયલ એટેસ્ટેશન લેટર (PAL) મેળવવો પડી શકે છે.
જો વિદ્યાર્થીઓ ઓફિશિયલ પ્રોસેસ ફોલો કરશે, તો તેમને 60 દિવસના સ્ટાન્ડર્ડ પ્રોસેસિંગનો લાભ મળશે. નોંધનીય છે કે વર્ષ 2024 માં લાદવામાં આવેલી સ્ટડી પરમિટની રાષ્ટ્રીય મર્યાદા (National Cap) વર્ષ 2026 માં પણ ચાલુ રહેશે.
ઓન્ટેરિયોનો નવો વર્કફોર્સ પ્રાયોરિટી સ્ટ્રીમ (OINP)
ઓન્ટેરિયો સ્ટેટે તેના જૂના 8 એમ્પ્લોયર સ્ટ્રીમ્સ બંધ કરીને 26 જૂનથી નવો ‘વર્કફોર્સ પ્રાયોરિટી સ્ટ્રીમ’ (Workforce Priority Stream) લોન્ચ કર્યો છે. આ રિડિઝાઇન કરાયેલા પ્રોગ્રામમાં મુખ્ય ત્રણ પાથવે શામેલ છે:
૧. TEER 0–3 ઓક્યુપેશન્સ (કુશળ વ્યવસાયો)
૨. TEER 4–5 ઓક્યુપેશન્સ (આવશ્યક સેવાઓ)
૩. સેલ્ફ-એમ્પ્લોયડ ફિઝિશિયન્સ (ડોક્ટર્સ)
આ પાથવે માટે અરજદારો પાસે વેલિડ જોબ ઓફર (Job Offer) હોવી જરૂરી છે, જ્યારે ડોક્ટર્સ માટે CPSO રજીસ્ટ્રેશન હોવું અનિવાર્ય છે. હાલમાં આ ટ્રાન્ઝિશનને કારણે એક્સપ્રેશન ઓફ ઇન્ટરેસ્ટ (EOI) સિસ્ટમ અસ્થાયી રૂપે બંધ છે.
બ્રિટિશ કોલંબિયા અને ક્યુબેકના નિયમોમાં રાહત
બ્રિટિશ કોલંબિયા (BC) એ ગ્રામીણ અને અંતરિયાળ વિસ્તારોમાં હેલ્થકેર સપોર્ટ સેવાઓ (સફાઈ અને સિક્યોરિટી) માં કામ કરતા વર્કર્સ માટે એક નવો પાથવે ઓપન કર્યો છે, જેમાં 31 ઓગસ્ટ 2026 સુધી રજીસ્ટ્રેશન કરાવી શકાશે. આ સ્કીમમાં માત્ર 250 નોમિનેશન જ ઉપલબ્ધ છે.
બીજી તરફ, ક્યુબેક સરકારે એક અસ્થાયી પબ્લિક પોલિસી હેઠળ PSTQ પ્રોગ્રામના મુખ્ય અરજદારના જીવનસાથી (Spouse) ને ઓપન વર્ક પરમિટ આપવાની મંજૂરી આપી છે, જે 30 દિવસના ફાસ્ટ પ્રોસેસિંગ સ્ટાન્ડર્ડ હેઠળ પ્રક્રિયા પામશે. આ નીતિ ડિસેમ્બર 2026 ના અંત સુધી અમલમાં રહેશે.
TR-to-PR વિઝા હોલ્ડર્સ માટે તક
કેનેડાના ટેમ્પરરી રેસિડેન્ટ ટુ પરમેનન્ટ રેસિડેન્ટ (TR-to-PR) પાથવે હેઠળના પાત્ર ઉમેદવારો 31 ડિસેમ્બર 2026 સુધી ઓપન વર્ક પરમિટ માટે અરજી કરવાનું ચાલુ રાખી શકે છે. IRCC માં વિઝા પ્રોસેસિંગમાં ઘણો સમય લાગતો હોવાથી, અરજદારોને સલાહ આપવામાં આવે છે કે વર્તમાન વિઝા સમાપ્ત થાય તે પહેલાં જ અરજી કરી દેવી. જુલાઈ 2026 ના આ નીતિગત ફેરફારો કેનેડા ઇમિગ્રેશન ઇતિહાસના સૌથી મોટા મિડ-યેર અપડેટ્સ છે, જે તમામ વર્ગોને વ્યાપક અસર કરશે.