Budget 2026: શું સસ્તું થયું અને શું મોંઘું? નાણામંત્રીએ કરી મોટી જાહેરાતો, જુઓ સંપૂર્ણ લિસ્ટ

Budget 2026 What is Cheaper and Costlier | નાણામંત્રી નિર્મલા સીતારમણે (Nirmala Sitharaman) રવિવારે લોકસભામાં નાણાકીય વર્ષ 2026-27નું સામાન્ય બજેટ (Union Budget 2026) રજૂ કર્યું હતું. મોદી સરકારના આ બજેટમાં સામાન્ય જનતા માટે રાહતના સમાચાર છે. નાણામંત્રીએ ઘણી ચીજવસ્તુઓ પર કસ્ટમ ડ્યુટી (Custom Duty) ઘટાડવાની જાહેરાત કરી છે, જેના કારણે મોબાઈલથી લઈને કેન્સરની દવાઓ સુધીની વસ્તુઓ સસ્તી થશે.

આ વસ્તુઓ થશે સસ્તી (Cheaper Items List) સરકારે સ્થાનિક ઉત્પાદનને પ્રોત્સાહન આપવા માટે અનેક કાચા માલ પર ટેક્સ ઘટાડ્યો છે:

દવાઓ: કેન્સર (Cancer) ની 17 દવાઓ અને સુગર (Diabetes) ની દવાઓ સસ્તી થશે. 7 દુર્લભ બીમારીઓની દવાઓ પર પણ ડ્યુટી ઘટાડવામાં આવી છે.

ઈલેક્ટ્રોનિક્સ: સ્માર્ટફોન (Smartphones), ટેબ્લેટ અને મોબાઈલ બેટરી સસ્તી થશે. આ સિવાય માઇક્રોવેવ ઓવન (Microwave Oven) પણ સસ્તું થશે.

ગ્રીન એનર્જી: સોલર ગ્લાસ (Solar Glass), લિથિયમ આયન સેલ અને ઈલેક્ટ્રિક વ્હીકલ (EV) સસ્તા થશે.

લાઈફસ્ટાઈલ: કપડાં, લેધર આઈટમ (Leather Items), અને સિન્થેટિક ફૂટવેર (Footwear) સસ્તા થશે.

ટ્રાવેલ: વિદેશ પ્રવાસ (Foreign Travel) અને વિદેશમાં અભ્યાસ સસ્તો થશે, કારણ કે TCS દર 5% થી ઘટાડીને 2% કરવામાં આવ્યો છે.

ઇંધણ: બાયોગેસ મિશ્રિત CNG અને વિમાનનું ઇંધણ (ATF) સસ્તું થશે.

આ વસ્તુઓ થશે મોંઘી (Costlier Items List) બજેટમાં કેટલીક વસ્તુઓ પર ડ્યુટી વધારવામાં આવી છે, જેનાથી તેના ભાવમાં વધારો થશે:

દારૂ (Alcohol): બજેટ બાદ દારૂ મોંઘો થશે.

ખનિજો (Minerals): વિવિધ ખનિજોના ભાવમાં વધારો થઈ શકે છે.

સ્ક્રેપ (Scrap): સ્ક્રેપ પરના ટેક્સ દરોમાં ફેરફારને કારણે તે મોંઘું થશે.

બજેટની અન્ય મુખ્ય વાતો નાણામંત્રીએ જાહેરાત કરી છે કે નાણાકીય વર્ષ 2026-27માં રાજકોષીય ખાધ (Fiscal Deficit) જીડીપીના 4.3% રહેવાનો અંદાજ છે. આ ઉપરાંત, 1 એપ્રિલ 2026 થી નવો ઈન્કમ ટેક્સ એક્ટ (Income Tax Act) લાગુ થવા જઈ રહ્યો છે. રમતગમતની વસ્તુઓ (Sports Items) પર પણ કસ્ટમ ડ્યુટી ઘટાડવામાં આવી છે, જે ખેલાડીઓ માટે પ્રોત્સાહનરૂપ બનશે.

મેક-ઈન-ઈન્ડિયા (Make-in-India) ને વેગ આપવા માટે ટેક્સટાઈલ અને લેધરના નિકાસ (Export) ને ડ્યુટી ફ્રી કરવાની પણ મહત્વની જાહેરાત કરવામાં આવી છે.