રાહનો આવશે અંત! 25 ફેબ્રુઆરીએ લોન્ચ થઈ શકે છે સેમસંગના પ્રીમિયમ ફોન્સ Galaxy S26 સીરીઝ

Samsung Galaxy S26 Launch Date | સેમસંગ પ્રેમીઓ માટે સારા સમાચાર છે! Samsung Galaxy S26 Series ટૂંક સમયમાં લોન્ચ થવા જઈ રહી છે. આ સીરીઝ હેઠળ ત્રણ સ્માર્ટફોન – Galaxy S26, Galaxy S26+, અને Galaxy S26 Ultra રજૂ કરવામાં આવશે. તાજેતરમાં કંપનીએ એક ટીઝર (Teaser) દ્વારા સંકેત આપ્યો હતો કે આ ફોનમાં પ્રાઈવસી ડિસ્પ્લે (Privacy Display) જોવા મળશે. હવે આ સીરીઝની લોન્ચ ડેટ પણ લીક થઈ ગઈ છે.

25 ફેબ્રુઆરીએ યોજાશે Galaxy Unpacked Event જાણીતા ટિપ્સ્ટર (Tipster) ઇવાન બ્લાસે (Evan Blass) સોશિયલ મીડિયા પર આગામી Galaxy Unpacked Event નું પોસ્ટર લીક કર્યું છે. આ લીક થયેલા પોસ્ટર મુજબ, સેમસંગની આ ફ્લેગશિપ સીરીઝ 25 ફેબ્રુઆરી, 2026 ના રોજ લોન્ચ કરવામાં આવશે. સામાન્ય રીતે આ ઈવેન્ટ જાન્યુઆરીમાં યોજાતી હોય છે, પરંતુ આ વખતે તેમાં થોડો વિલંબ જોવા મળી રહ્યો છે. જોકે, કંપનીએ હજુ સુધી સત્તાવાર રીતે આ તારીખની પુષ્ટિ કરી નથી.

નવા કલર વેરિઅન્ટની ઝલક લોન્ચ ડેટની સાથે સાથે ઈવેન્ટના ઇન્વિટેશન (Invite) પરથી ગેલેક્સી S26 લાઇનઅપના મુખ્ય કલરનો પણ અંદાજ મળ્યો છે. પોસ્ટરમાં વાયોલેટ (Violet) બેકગ્રાઉન્ડ દેખાઈ રહ્યું છે, જે અગાઉના લીક્સને સમર્થન આપે છે કે કોબાલ્ટ વાયોલેટ (Cobalt Violet) આ સીરીઝનો મુખ્ય કલર ઓપ્શન હોઈ શકે છે.

નવા Galaxy Buds 4 પણ થશે લોન્ચ આ ઈવેન્ટનું મુખ્ય આકર્ષણ સ્માર્ટફોન્સ હશે, પરંતુ સેમસંગ આ સાથે તેની આગામી પેઢીના ટ્રુ વાયરલેસ સ્ટીરિયો (TWS) ઇયરબડ્સ પણ રજૂ કરશે. એવું માનવામાં આવે છે કે કંપની Galaxy Buds 4 અને Galaxy Buds 4 Pro મોડલ્સ લોન્ચ કરશે.

સંભવિત કિંમત (Expected Price): લીક થયેલા અહેવાલો મુજબ, ગેલેક્સી બડ્સ 4 શ્રેણીની કિંમતો નીચે મુજબ હોઈ શકે છે:

Galaxy Buds 4: આશરે 179 યુરો (લગભગ ₹19,600)

Galaxy Buds 4 Pro: આશરે 249 યુરો (લગભગ ₹27,300)

આ બંને મોડલ બ્લેક અને વ્હાઇટ કલર ઓપ્શનમાં ઉપલબ્ધ થઈ શકે છે. સેમસંગ તેના પ્રીમિયમ ફીચર્સ અને નવી ટેકનોલોજી સાથે માર્કેટમાં ફરી એકવાર ધૂમ મચાવવા તૈયાર છે.