ભાવનગર-રાજકોટ હાઈવે (Bhavnagar-Rajkot Highway) પર ઉમરાળા તાલુકાના લીમડા ગામ પાસે એક હૃદયદ્રાવક અકસ્માત (Accident) સર્જાયો છે. આ ગમખ્વાર અકસ્માતમાં બુલેટ સવાર ત્રણ આશાસ્પદ યુવાનોના કરુણ મોત નીપજતા જાળીયા ગામમાં શોકનું મોજું ફરી વળ્યું છે.
મળતી માહિતી મુજબ, ઉમરાળાના જાળીયા ગામના ત્રણ મિત્રો બે દિવસ પહેલા રાત્રે લીમડા ગામે નાસ્તો કરવા ગયા હતા. નાસ્તો કરી પરત ફરતી વખતે તેમનું બુલેટ (Bullet Motorcycle) (GJ-01-MV-1775) બેફામ ગતિએ હોવાને કારણે ચાલકે સંતુલન ગુમાવ્યું હતું અને બાઈક રોડ વચ્ચેના ડિવાઈડર (Divider) સાથે જોરદાર અથડાયું હતું.
આ અકસ્માત એટલો ભયાનક હતો કે કમલેશભાઈ ડાભી અને સદ્દામખાન પઠાણનું હોસ્પિટલ પહોંચે તે પહેલા જ મોત થયું હતું, જ્યારે ત્રીજા મિત્ર સંજયભાઈ સોલંકીનું સારવાર દરમિયાન મૃત્યુ નીપજ્યું હતું. પોલીસે (Police) આ મામલે FIR નોંધી વધુ તપાસ હાથ ધરી છે. પ્રાથમિક તપાસમાં અતિશય ઝડપ (Over Speeding) અકસ્માતનું મુખ્ય કારણ હોવાનું સામે આવ્યું છે.
