Bank Strike: 12 ફેબ્રુઆરીએ બેંક હડતાળ, જાણો કઈ સેવાઓ ખોરવાશે

Bank Strike | કેન્દ્રીય ટ્રેડ યુનિયનો (Central Trade Unions) દ્વારા આપવામાં આવેલા દેશવ્યાપી હડતાળના એલાનને પગલે 12 ફેબ્રુઆરી, 2026 ના રોજ બેંકિંગ સેવાઓ પ્રભાવિત થવાની શક્યતા છે. નવા લેબર કોડ (Labor Codes) અને ખાનગીકરણના વિરોધમાં કર્મચારીઓએ મોરચો ખોલ્યો છે. સ્ટેટ બેંક ઓફ ઈન્ડિયા (SBI) એ પણ ગ્રાહકોને ચેતવણી આપી છે કે હડતાળને કારણે કામકાજ પર અસર પડી શકે છે.

ગુજરાતમાં હડતાળની વ્યાપક અસર (Impact in Gujarat)

મહાગુજરાત બેંક એમ્પ્લોઈઝ એસોસિએશન (MGBEA) ના જણાવ્યા મુજબ, ગુજરાતમાં રાષ્ટ્રીયકૃત બેંકોની અંદાજે 3,678 શાખાઓ બંધ રહી શકે છે. આ હડતાળમાં રાજ્યના અંદાજે 25,000 કર્મચારીઓ જોડાશે, જેના કારણે એક જ દિવસમાં આશરે ₹15,000 કરોડના ક્લિયરિંગ વ્યવહારો અટકી પડવાની શક્યતા છે.

શા માટે થઈ રહી છે હડતાળ? (Major Demands)

યુનિયનોનો મુખ્ય વિરોધ કેન્દ્ર સરકારના ચાર નવા લેબર કોડ (Labour Codes) સામે છે. તેમની અન્ય મુખ્ય માંગણીઓ નીચે મુજબ છે:

નવી પેન્શન યોજના (NPS) નાબૂદ કરી જૂની પેન્શન યોજના (OPS) લાગુ કરવી.

જાહેર ક્ષેત્રની બેંકોનું ખાનગીકરણ (Privatization) અટકાવવું.

ખાલી પડેલી જગ્યાઓ પર કાયમી ભરતી કરવી અને આઉટસોર્સિંગ બંધ કરવું.

બેડ લોન (Bad Loans) વસૂલાત માટે કડક કાયદા બનાવવા.

સામાન્ય ગ્રાહકો પર લાગતા વધારાના સર્વિસ ચાર્જ (Service Charges) ઘટાડવા.

વિરોધ પ્રદર્શન અને રેલી (Protest and Rally)

અમદાવાદમાં 12 ફેબ્રુઆરીએ સવારે 11:00 વાગ્યે એલિસબ્રિજ (ટાઉનહોલ) થી નહેરુ બ્રિજ સુધી તમામ યુનિયનો દ્વારા વિશાળ રેલી કાઢવામાં આવશે. ત્યારબાદ ‘માનવ સાંકળ’ (Human Chain) રચીને વિરોધ નોંધાવવામાં આવશે. આ હડતાળમાં 10 મોટા કેન્દ્રીય ટ્રેડ યુનિયનો (જેમ કે INTUC, AITUC, CITU) સહભાગી થઈ રહ્યા છે.