આર્મી ચીફ જનરલ ધિરજ સેથનો રશિયા પ્રવાસ: આર્મર અને એર ડિફેન્સ યોજનાઓ માટે કેમ છે મહત્વપૂર્ણ?

Army Chief Russia Visit | ભારતીય થલસેના પ્રમુખ (આર્મી ચીફ) જનરલ ધિરજ સેથનો રશિયાનો ત્રણ દિવસીય સત્તાવાર પ્રવાસ ભારત અને રશિયા વચ્ચેના રક્ષણાત્મક અને સૈન્ય સંબંધોને વધુ મજબૂત કરવાની દિશામાં એક મોટું પગલું છે.

આ પ્રવાસ એવા સમયે થઈ રહ્યો છે જ્યારે ભારતીય સેના પાસે રહેલા રશિયન મૂળના લશ્કરી સાધનો, ટેન્કો, આર્મર્ડ વાહનો અને એર ડિફેન્સ સિસ્ટમ્સ માટે સ્પેરપાર્ટ્સ, સમયસર સપ્લાય અને મેન્ટેનન્સ જેવા મુદ્દાઓ પર મુખ્ય ધ્યાન કેન્દ્રિત કરવામાં આવ્યું છે.

વર્ષો પછી કોઈ ભારતીય આર્મી ચીફની આ પ્રથમ રશિયા મુલાકાત છે, જેનું વ્યૂહાત્મક દ્રષ્ટિએ મોટું મહત્વ છે.

મોસ્કો ખાતે જનરલ ધિરજ સેથ દ્વારા રશિયન થલસેનાના કમાન્ડર-ઇન-ચીફ અને અન્ય વરિષ્ઠ સૈન્ય અધિકારીઓ સાથે ઉચ્ચ સ્તરીય બેઠકો યોજાઈ છે.

આ બેઠકોમાં માત્ર જૂના ઉપકરણોના જાળવણી જ નહીં, પરંતુ રશિયા દ્વારા પ્રસ્તાવિત નવી સૈન્ય પ્રણાલીઓ પર પણ ચર્ચા થઈ છે.

ભારત પોતાની સૈન્ય ક્ષમતાને આધુનિક બનાવવા માટે શોર્ટ-રેન્જ મોબાઈલ એર ડિફેન્સ સિસ્ટમ ‘પેન્ટસિર-એસ1એમ’ અને નવી પેઢીના ઇન્ફ્રાન્ટ્રી ફાઇટિંગ વ્હીકલ ‘BMP-3’ જેવા વિકલ્પો પર વિચાર કરી રહ્યું છે.

જોકે ભારત સ્થાનિક સ્તરે ‘મેક ઇન ઇન્ડિયા’ અને આત્મનિર્ભરતા પર પણ ભાર આપી રહ્યું છે, છતાં સૈન્ય દળોની તાત્કાલિક ઓપરેશનલ જરૂરિયાતો માટે રશિયા સાથેનો સહયોગ અત્યંત મહત્વપૂર્ણ રહે છે.

આ પ્રવાસ દરમિયાન મોસ્કો ઉપરાંત સેન્ટ પીટર્સબર્ગ સ્થિત મિખાઈલોવ્સ્કાયા મિલિટરી આર્ટિલરી અકાદમીની મુલાકાત પણ સામેલ છે.

સંરક્ષણ વિશ્લેષકોના મતે, આ મુલાકાત ભારતની એ રણનીતિ દર્શાવે છે જેમાં દેશ પરંપરાગત સહયોગીઓ સાથેના સંબંધોને જાળવી રાખીને ભવિષ્યની સૈન્ય જરૂરિયાતો અને આધુનિક ટેકનોલોજીના સમન્વય પર કામ કરી રહ્યો છે.

આ મુલાકાતના પરિણામો આગામી સમયમાં ભારતીય સેનાના આર્મર અને એર ડિફેન્સના આધુનિકીકરણમાં મુખ્ય ભૂમિકા ભજવશે.