એપ્રિલથી ઑક્ટોબર 2026 દરમિયાન 30 મિલિયન ટન માલનું લદાન કર્યું

અમદાવાદ મંડળનું ઓક્ટોબર 2026 માં શાનદાર પ્રદર્શન : રેકોર્ડ 236 લૉંગ હૉલ ટ્રેનોનું સંચાલન, ગયા વર્ષની સરખામણીમાં 263% નો વધારો

પશ્ચિમ રેલવેના અમદાવાદ મંડળે ઓક્ટોબર 2026 દરમિયાન માલ લોડિંગ, ઓપરેશનલ કુશળતા, યાત્રી સેવાઓ, ઇન્ટરચેન્જ, લાંબી ટ્રેનો તેમજ ઈન્ફ્રાસ્ટ્રક્ચરના વિકાસના ક્ષેત્રમાં નોંધપાત્ર સિદ્ધિઓ નોંધાવી છે. મંડળે આ મહિને અનેક નવા રેકોર્ડ સ્થાપિત કરતા માલ લોડિગ તેમજ યાત્રી પરિચાલનમાં શાનદાર પ્રદર્શન કર્યું છે. આ ઉપરાંત, મંડળે એપ્રિલથી ઓક્ટોબર 2026 દરમિયાન 30 મિલિયન ટન (3 કરોડ ટન) માલસામાનનું લોડિંગ કરીને એક મહત્વપૂર્ણ સિદ્ધિ હાંસલ કરી છે.

 

માલ લોડિંગ અને આવકમાં નોંધપાત્ર વધારો

• ઓક્ટોબર 2026માં અમદાવાદ મંડળ દ્વારા સરેરાશ 3,073.42 વેગન પ્રતિદિવસ લોડ કરવામાં આવ્યા, જે ઓક્ટોબર 2025ના 3,010 વેગન પ્રતિદિનની સરખામણીમાં 2.10% વધુ છે.
• આ દરમિયાન કુલ માલ લોડિંગ 4.6893 મિલિયન ટન રહ્યું, જે પાછલા વર્ષના 4.5855 મિલિયન ટનની સરખામણીમાં 2.26% વધુ છે.
• માલ લોડિંગથી રૂ.655 કરોડની આવક પ્રાપ્ત કરવામાં આવી, જે ઓક્ટોબર 2025ની રૂ.612 કરોડની આવકથી 7% વધુ છે.

મુખ્ય કોમોડિટીઝની લોડિંગમાં વધારો

• ઓક્ટોબર 2026માં ખાતરનું સરેરાશ દૈનિક લોડિંગ 685 વેગન રહ્યું, જેમાં ગત વર્ષની સરખામણીમાં 14% નો વધારો નોંધાયો.
• મીઠું અને ઔદ્યોગિક મીઠાનું લોડિંગ 260.5 વેગન પ્રતિદિવસ રહ્યું, જે પાછલા વર્ષની સરખામણીમાં 7% વધુ છે.
• અન્ય કોમોડિટીઝના લોડિંગમાં 75% નો ઉલ્લેખનીય વધારો નોંધાયો અને તે 173.7 વેગન પ્રતિદિવસ રહ્યું.
• ઓટોમોબાઈલનું સરેરાશ દૈનિક લોડિંગ 113.7 વેગન રહ્યું, જે પાછલા વર્ષના સ્તરથી વધુ છે.

લૉંગ હૉલ ટ્રેનોના સંચાલનમાં 263% નો રેકોર્ડ વધારો

• ઓક્ટોબર 2026માં અમદાવાદ મંડળ દ્વારા કુલ 236 લૉંગ હૉલ ટ્રેનોનું સફળ સંચાલન કરવામાં આવ્યું, જ્યારે ઓક્ટોબર 2025માં 65 લૉંગ હૉલ ટ્રેનો ચલાવવામાં આવી હતી. આ પ્રકારે ગયા વર્ષની સરખામણીમાં 263% નો નોંધપાત્ર વધારો નોંધાયો.
• ગાંધીધામ ક્ષેત્રમાં ઓક્ટોબર 2026 દરમિયાન કુલ 153 લૉંગ હૉલ ટ્રેનોની રચના કરવામાં આવી.

ઈન્ટરચેન્જમાં સર્વકાલિન સર્વશ્રેષ્ઠ માસિક પ્રદર્શન

• ઓક્ટોબર 2026માં અમદાવાદ મંડળે સરેરાશ 227.91 ટ્રેન પ્રતિદિવસનું ઇન્ટરચેન્જ નોંધાવ્યું, જે પાછલા વર્ષના 211.45 ટ્રેન પ્રતિદિવસની સરખામણીમાં 7.8% વધુ છે. આ મંડળનું અત્યાર સુધીનું સર્વશ્રેષ્ઠ માસિક પ્રદર્શન છે, જેણે સપ્ટેમ્બર 2026ના 224.5 ટ્રેન પ્રતિદિવસના પાછલા રેકોર્ડને પાછળ છોડી દીધો.
• DFC પોઈન્ટ્સ પર સરેરાશ ઇન્ટરચેન્જ 108.10 ટ્રેન પ્રતિદિવસ રહ્યું, જે ઓક્ટોબર 2025ના 87.50 ટ્રેન પ્રતિદિવસની સરખામણીમાં 23.6% વધુ છે. આ પણ અત્યાર સુધીનું સર્વશ્રેષ્ઠ માસિક પ્રદર્શન છે.
• વીરમગામ પોઈન્ટ પર 48.61 ટ્રેન પ્રતિદિનનું અત્યાર સુધીનું સૌથી વધુ માસિક ઇન્ટરચેન્જ નોંધાયું.
• ચાડોતર (CECC) ડીએફસી પોઈન્ટ પર 54.13 ટ્રેન પ્રતિદિવસનું સૌથી વધુ માસિક ઇન્ટરચેન્જ નોંધાયું.
• મહેસાણા અને ભાંડુ મોટીદાઉ DFC પોઈન્ટ પર સંયુક્તરૂપે 22.78 ટ્રેન પ્રતિદિવસનું ઇન્ટરચેન્જ નોંધાયું, જે અત્યાર સુધીનું સર્વશ્રેષ્ઠ પ્રદર્શન છે.

અમદાવાદ અને ગાંધીધામ ક્ષેત્રમાં માલ લોડિંગમાં વધારો

• અમદાવાદ ક્ષેત્રમાં ઓક્ટોબર 2026 દરમિયાન સરેરાશ 718.87 વેગન પ્રતિદિવસ લોડ કરવામાં આવ્યા, જે પાછલા વર્ષના 708.87 વેગન પ્રતિદિવસની સરખામણીમાં 1.40% વધુ છે.
• ગાંધીધામ ક્ષેત્રમાં સરેરાશ 2,354.55 વેગન પ્રતિદિવસ લોડ કરવામાં આવ્યા, જે ઓક્ટોબર 2025ના 2,301.13 વેગન પ્રતિદિવસની સરખામણીમાં 2.32% વધુ છે.

નવા વ્યવસાયિક અવસરોથી માલ આવકમાં વધારો

• અમદાવાદ મંડળ દ્વારા પહેલી વાર કોપર સ્લેગ (Copper Slag) નું લોડિંગ કરવામાં આવ્યું. 6 ઓક્ટોબર 2026ના રોજ અમદાવાદ ક્ષેત્રના APSEZ પોર્ટ ટર્મિનલ ખાતે આવેલ APSA લોડિંગ પોઈન્ટથી BOXN રેક દ્વારા 4,048 ટન કોપર સ્લેગ શ્રી મેગા પાવર પ્રાઇવેટ સાઈડિંગ (SMPB) માટે લોડ કરવામાં આવ્યો.
• ઓક્ટોબર 2026માં APSA થી કુલ 8 રેકોમાં 32,773 ટન કોપર સ્લેગ લોડ કરવામાં આવ્યો, જેનાથી મંડળને રૂ.4.06 કરોડની માલ આવક પ્રાપ્ત થઈ.
• ગાંધીધામથી ત્રણ વર્ષથી વધુ ના ગાળા બાદ મેટ-કોક (Met-Coke) નું લોડિંગ ફરી શરૂ કરવામાં આવ્યું. એક રેકમાં 2,929 ટન મેટ-કોક સનફ્લેગ આયર્ન એન્ડ સ્ટીલ કંપની (SISB), નાગપુર મંડળ માટે લોડ કરવામાં આવ્યો, જેનાથી રૂ.71.70 લાખની માલ આવક પ્રાપ્ત કરવામાં આવી.

માલગાડીઓની ગતિ અને પરિચાલન કુશળતામાં સુધારો

• ઓક્ટોબર 2026માં યાર્ડિંગ અને સ્ટેબલિંગ સહિત માલગાડીઓની સરેરાશ ગતિ 14.98 કિમી પ્રતિ કલાક રહી, જે પાછલા વર્ષના 14.73 કિમી પ્રતિ કલાકની સરખામણીમાં 1.7% વધુ છે.
• ડીઝલ લોકોમોટિવનો સરેરાશ ઉપયોગ 371.43 કિલોમીટર રહ્યો, જે ઓક્ટોબર 2025ના ૩૭૦.૬૩ કિલોમીટરની સરખામણીમાં 0.21% વધુ છે.
• ઓક્ટોબર 2026માં કુલ 3,092 કલાક 45 મિનિટના મેન્ટેનન્સ બ્લોક આપવામાં આવ્યા, જે પાછલા વર્ષની સરખામણીમાં 42.94% વધુ છે.

સમયપાલન અને યાત્રી સેવાઓમાં નોંધપાત્ર સુધારો

• ઓક્ટોબર 2026માં મેલ/એક્સપ્રેસ ટ્રેનોનું સમયપાલન 95.50% રહ્યું, જે ઓક્ટોબર 2025ના 93% ની સરખામણીમાં 2.50 ટકા વધુ છે.
• ઓક્ટોબર 2026માં કુલ 6,591 કોચિંગ ટ્રેનોનું સંચાલન કરવામાં આવ્યું, જ્યારે પાછલા વર્ષે આ જ સમયગાળામાં 5,733 કોચિંગ ટ્રેનો સંચાલિત કરવામાં આવી હતી. આ પ્રકારે કોચિંગ ટ્રેનોના સંચાલનમાં 15% નો વધારો નોંધાયો.
• યાત્રીઓની વધારાની સગવડ માટે વિવિધ ટ્રેનોમાં 426 વધારાના કોચ લગાવવામાં આવ્યા તથા મેલ/એક્સપ્રેસ ટ્રેનોમાં 20 ઇન્ડેન્ટેડ VPs લગાવવામાં આવ્યા.
• ઓક્ટોબર 2026માં કુલ 9 પાર્સલ રેક સંચાલિત કરવામાં આવ્યા, જે પાછલા વર્ષના 4 રેકની સરખામણીમાં 125% વધુ છે.

રેલવે ઈન્ફ્રાસ્ટ્રક્ચરના વિકાસમાં મહત્વપૂર્ણ સિદ્ધિઓ

• અમદાવાદ યાર્ડમાં નવનિર્મિત બ્રોડગેજ લાઈન નંબર 16, 17 અને 18 ને ટ્રાફિકવ્યવહાર માટે ખોલવાના સંબંધમાં 28 ઓક્ટોબર 2026ના રોજ CRS નિરીક્ષણ સંપન્ન થયું.
• અસારવા અને સાબરમતી A કેબિન વચ્ચે ‘Y’ કનેક્ટિવિટી વિકસિત કરવાના ઉદ્દેશથી અસારવા સ્ટેશન પર નવનિર્મિત બ્રોડગેજ કોર્ડ લાઈનનું CRS નિરીક્ષણ 28 ઓક્ટોબર 2026ના રોજ કરવામાં આવ્યું.
• આ નવી કનેક્ટિવિટી પર અસારવાથી સાબરવતી A કેબિન વચ્ચે પહેલી માલગાડી (લોકો નંબર 60185, WAG-12) નું સફળ સંચાલન કરવામાં આવ્યું.

ઓક્ટોબર 2026માં અમદાવાદ મંડળ દ્વારા માલ લોડિંગ, નવા વ્યવસાયિક અવસરો, ઇન્ટરચેન્જ, લૉંગ હૉલ ટ્રેનો, યાત્રી સેવાઓ અને ઈન્ફ્રાસ્ટ્રક્ચરના ક્ષેત્રમાં નોંધવામાં આવેલી આ સિદ્ધિઓ સંચાલન કુશળતાને વધારવા, માલ અને યાત્રી સેવાઓને ઉત્તમ બનાવવાતથા રેલવેની સેવાઓને વધુ અસરકારક, સુરક્ષિત અને સુવિધાજનક બનાવવાની દિશામાં મંડળની પ્રતિબદ્ધતાને દર્શાવે છે.