Indian Railways Schedule Update: ભારતમાં દરરોજ લાખો મુસાફરો ટ્રેન દ્વારા મુસાફરી (Travel) કરે છે. મુસાફરોની સુવિધામાં વધારો કરવા અને પ્રવાસના સમયમાં ઘટાડો કરવા માટે રેલવે વિભાગે એક મોટો નિર્ણય લીધો છે. 1 જાન્યુઆરી 2026 થી રેલવેનું નવું સમયપત્રક (New Timetable) લાગુ કરવામાં આવશે, જેના કારણે કુલ 167 ટ્રેનોના સમયમાં ફેરફાર જોવા મળશે.
ટ્રેનોની સ્પીડ (Speed) માં વધારો
પશ્ચિમ રેલવે (Western Railway) દ્વારા મુસાફરોની સુવિધા માટે ટ્રેનોની ગતિ વધારવાનો મહત્વનો નિર્ણય લેવામાં આવ્યો છે. આ નવા સમયપત્રક મુજબ:
-
110 ટ્રેનો વહેલી પહોંચશે: ટ્રેનોની સ્પીડ વધવાને કારણે વિવિધ સ્ટેશનો પર આશરે 110 ટ્રેનો તેના નિર્ધારિત સમય કરતા 5 થી 40 મિનિટ વહેલી પહોંચશે.
-
57 ટ્રેનોના સમયમાં વિલંબ: બીજી તરફ, 57 ટ્રેનો એવી પણ છે જે પોતાના હાલના સમય કરતા 5 થી 45 મિનિટ મોડી દોડશે.
અમદાવાદ વિભાગ (Ahmedabad Division) પર અસર
નવા ફેરફારની સૌથી વધુ અસર અમદાવાદ વિભાગને થવાની છે. પ્રાપ્ત માહિતી અનુસાર:
-
અમદાવાદ વિભાગ હેઠળ આવતી 85 ટ્રેનોની સ્પીડમાં વધારો કરવામાં આવ્યો છે.
-
આ ફેરફારને કારણે 1 જાન્યુઆરીથી કુલ 167 ટ્રેનોના સમયપત્રકમાં 5 થી લઈને 45 મિનિટ સુધીનો ફેરફાર થશે.
-
રેલવે વિભાગના જણાવ્યા મુજબ, આ આધુનિકીકરણ અને સ્પીડ અપડેટથી મુસાફરોનો કિંમતી સમય બચશે.
મુસાફરોને વિનંતી છે કે 1 જાન્યુઆરી પછી મુસાફરી કરતા પહેલા પોતાની ટ્રેનનો ચોક્કસ સમય રેલવેની અધિકૃત વેબસાઈટ અથવા એપ પર ચેક (Check) કરી લેવો જેથી કોઈ અસુવિધા ન થાય.
નવા સમયપત્રકની વિગતો:
| ટ્રેન નંબર | ટ્રેનનું નામ | જૂનો સમય | નવો સમય |
| 12932 | અમદાવાદ-મુંબઈ સેન્ટ્રલ એસી ડબલ ડેકર એક્સપ્રેસ | 05:50 | 05:45 |
| 22962 | અમદાવાદ-મુંબઈ સેન્ટ્રલ વંદે ભારત એક્સપ્રેસ | 06:10 | 06:04 |
| 19316 | અસારવા-ઈન્દોર વીર ભૂમિ એક્સપ્રેસ | 14:25 | 14:10 |
| 12982 | અસારવા-જયપુર એક્સપ્રેસ | 20:00 | 19:55 |
| 69249 | સાબરમતી-કટોસણ રોડ મેમુ (MEMU) | 06:45 | 06:30 |
| 79435 | સાબરમતી-પાટણ ડેમુ (DEMU) | 09:05 | 09:00 |
| 20492 | સાબરમતી-જેસલમેર એક્સપ્રેસ | 22:15 | 22:05 |
| 15270 | સાબરમતી-મુઝફ્ફરપુર જનસાધારણ એક્સપ્રેસ | 18:10 | 18:55 |
| 79433 | સાબરમતી-પાટણ ડેમુ (DEMU) | 18:20 | 18:05 |