Commonwealth Games 2030 : ગુજરાતના આર્થિક પાટનગર અમદાવાદને (Ahmedabad) હવે વૈશ્વિક સ્પોર્ટ્સ હબ (Sports Hub) બનાવવાની દિશામાં સરકારે મોટું પગલું ભર્યું છે. વર્ષ 2030 ની કોમનવેલ્થ ગેમ્સની યજમાની કરવા અને શહેરને ‘ઓલિમ્પિક રેડી સિટી’ (Olympic Ready City) તરીકે વિકસાવવા માટે રૂ. 1278 કરોડ ના બજેટની ફાળવણી કરવામાં આવી છે. આ પ્રોજેક્ટ દ્વારા અમદાવાદને ભવિષ્યમાં ઓલિમ્પિક (Olympics) ની યજમાની માટે સજ્જ કરવામાં આવશે.
શું છે સરકારનો માસ્ટર પ્લાન?
આ બજેટનો મુખ્ય ઉદ્દેશ્ય અમદાવાદમાં રમતગમતનું એવું માળખું તૈયાર કરવાનો છે જે આંતરરાષ્ટ્રીય ધોરણોને સમકક્ષ હોય. આ રોકાણથી શહેરના ઇન્ફ્રાસ્ટ્રક્ચર (Infrastructure) અને પ્રવાસન ક્ષેત્રે પણ મોટો બદલાવ આવશે.
આંતરરાષ્ટ્રીય સ્પોર્ટ્સ કોમ્પ્લેક્સ: શહેરમાં વિશ્વકક્ષાની સુવિધાઓ ધરાવતા નવા સ્પોર્ટ્સ કોમ્પ્લેક્સ (Sports Complex) અને અત્યાધુનિક સ્ટેડિયમનું નિર્માણ કરવામાં આવશે.
સરદાર વલ્લભભાઈ પટેલ સ્પોર્ટ્સ એન્કલેવ: મોટેરા વિસ્તારમાં સ્થિત SVP સ્પોર્ટ્સ એન્કલેવના (SVP Sports Enclave) વિકાસ માટે વિશેષ રૂ. 500 કરોડ ની જોગવાઈ કરવામાં આવી છે.
કનેક્ટિવિટી અને પરિવહન: રમતવીરો અને પ્રેક્ષકોની સુવિધા માટે તમામ સ્પોર્ટ્સ વેન્યુઝને મેટ્રો (Metro) અને BRTS જેવી આધુનિક જાહેર પરિવહન સેવાઓ સાથે જોડવામાં આવશે.
આ પ્રોજેક્ટ પૂર્ણ થતા અમદાવાદ માત્ર ભારતનું જ નહીં પણ એશિયાનું મહત્વનું સ્પોર્ટ્સ ડેસ્ટિનેશન (Sports Destination) બની જશે. આધુનિક ટ્રેનિંગ સેન્ટર્સ, એકમોડેશન ફેસિલિટીઝ અને હાઈ-ટેક સ્પોર્ટ્સ ઈક્વિપમેન્ટ્સ પાછળ થનારું આ રોકાણ ગુજરાતના યુવા ખેલાડીઓ માટે પણ નવી તકોના દ્વાર ખોલશે.
About The Author
