રાજ્યના બિલ્ડર લોબીના એસોસિએશન, CREDAI (કન્ફડેરેશન ઓફ રિયલ એસ્ટેટ ડેવલપર્સ એસોસિએશન ઓફ ઇન્ડિયા) ગુજરાત અને CREDAI અમદાવાદની વર્ષ 2025-2027 માટેની નવી ટીમનો પદગ્રહણ સમારોહ આજે યોજાયો. આ કાર્યક્રમમાં મુખ્યમંત્રી ભૂપેન્દ્ર પટેલ મુખ્ય મહેમાન તરીકે ઉપસ્થિત રહ્યા હતા. આ ભવ્ય સમારોહમાં નવા પ્રમુખ, ઉપપ્રમુખ અને સેક્રેટરી સહિતના સભ્યોની સત્તાવાર જાહેરાત કરવામાં આવી હતી.
આ પ્રસંગે મુખ્યમંત્રીએ બિલ્ડરોને કહ્યું હતું કે, આપણે બાંધકામ ક્ષેત્રે ગ્લોબલ સ્ટાન્ડર્ડ સાથે આત્મનિર્ભર બનવાનું છે. દરેક સ્કીમ ગ્લોબલ સ્ટાન્ડર્ડની બને અને એકપણ ઇંચનું ખોટું બાંધકામ નથી જ કરવાનું એવા અભિગમ સાથે આગળ વધવાનું છે.
મુખ્યમંત્રી શ્રી ભૂપેન્દ્રભાઈ પટેલની ગરિમામય ઉપસ્થિતિમાં આજે અમદાવાદ ખાતે રિયલ એસ્ટેટ સેક્ટરમાં પ્રતિષ્ઠિત સંસ્થા CREDAI Gujarat અને CREDAI Ahmedabadની Change of Guard Ceremony-2025 યોજાઈ હતી.
મુખ્યમંત્રીશ્રીએ આ અવસરે નવનિયુક્ત હોદ્દેદારોને અભિનંદન સહ શુભકામનાઓ પાઠવવાની સાથોસાથ… pic.twitter.com/A7ZEpOWACu
— CMO Gujarat (@CMOGuj) August 7, 2025
‘રાજ્યમાં નવું ઇન્ફ્રાસ્ટ્રક્ચર પર્યાવરણ પ્રિય અને આધુનિક બની રહ્યું છે’
મુખ્યમંત્રી ભૂપેન્દ્ર પટેલે જણાવ્યું હતું કે, આજે દુનિયા જાણે છે કે, ભારત વૈશ્વિક લક્ષ્યો હાંસલ કરવા માટે સક્ષમ બન્યું છે. ઇન્ફ્રાસ્ટ્રક્ચર અને રિયલ એસ્ટેટ ક્ષેત્રે કોઈપણ પરિસ્થિતિને પહોંચી વળીશું એવા આત્મવિશ્વાસ સાથે આ સેક્ટર આગળ વધી રહ્યું છે. તેમણે ગુજરાત સરકારની ઇન્ફ્રાસ્ટ્રક્ચર વિકાસ નીતિઓની ભૂમિકા આપતા કહ્યું કે, આ નીતિઓને કારણે રાજ્યમાં નવું ઇન્ફ્રાસ્ટ્રક્ચર પર્યાવરણ પ્રિય અને આધુનિક બની રહ્યું છે. તેમણે ખુશી વ્યક્ત કરી કે રિયલ એસ્ટેટ સેક્ટર સરકારની નીતિઓથી સંતુષ્ટ છે.
LIVE: મુખ્યમંત્રી શ્રી ભૂપેન્દ્રભાઈ પટેલની પ્રેરક ઉપસ્થિતિમાં CREDAI Gujarat અને CREDAI Ahmedabadની અમદાવાદ ખાતે આયોજિત Change of Guard Ceremony-2025. https://t.co/VonDcTDerf
— Gujarat Information (@InfoGujarat) August 7, 2025
સચરાચરની Whatsapp Channelમાં જોડાવા માટે અહીં ક્લિક કરો
About The Author
